જલવાહક (xylem) અને અન્નવાહક (phloem) ને જટિલ પેશીઓ શા માટે કહેવામાં આવે છે?

(A) જલવાહક અને અન્નવાહકને જટિલ પેશીઓ તરીકે ઓળખવામાં આવે છે કારણ કે તે એક કરતાં વધુ પ્રકારના કોષોની બનેલી હોય છે. આ કોષો જલવાહક અને અન્નવાહકના વિવિધ કાર્યો કરવા માટે એક એકમ તરીકે સંકલિત રીતે કાર્ય કરે છે.
જલવાહક પાણી અને ખનિજોના વહનમાં મદદ કરે છે. તે વનસ્પતિઓને યાંત્રિક આધાર પણ પૂરો પાડે છે. તે નીચેના ઘટકોની બનેલી છે:
$1$. જલવાહિનીકી (Tracheids)
$2$. જલવાહક મૃદુતક (Xylem parenchyma)
$3$. જલવાહક તંતુઓ (Xylem fibres)
જલવાહિનીકી એ લાંબા,જાડી દીવાલવાળા અને અણીદાર છેડા ધરાવતા મૃત કોષો છે. જલવાહિનીઓ લાંબી,નળાકાર રચનાઓ છે જે વાહિની સભ્યોમાંથી બનેલી છે,જેમાં દરેકની દીવાલ લિગ્નિનયુક્ત અને મોટી કેન્દ્રીય પોલાણ ધરાવે છે. જલવાહિનીકી અને જલવાહિની બંનેમાં જીવરસનો અભાવ હોય છે. જલવાહક તંતુઓ જાડી દીવાલ ધરાવે છે અને તે વનસ્પતિને યાંત્રિક આધાર આપે છે. જલવાહક મૃદુતક પાતળી દીવાલવાળા મૃદુતકીય કોષોની બનેલી છે જે ખોરાકનો સંગ્રહ અને પાણીના ત્રિજ્યાવર્તી વહનમાં મદદ કરે છે.
અન્નવાહક ખોરાકના વહનમાં મદદ કરે છે. તે નીચેના ઘટકોની બનેલી છે:
$1$. ચાલની નલિકાના ઘટકો (Sieve tube elements)
$2$. સાથી કોષો (Companion cells)
$3$. અન્નવાહક મૃદુતક (Phloem parenchyma)
$4$. અન્નવાહક તંતુઓ (Phloem fibres)
ચાલની નલિકાના ઘટકો નળી જેવા લાંબા કોષો છે જે સાથી કોષો સાથે જોડાયેલા હોય છે. ચાલની નલિકાના ઘટકોની અંતિમ દીવાલો છિદ્રિષ્ઠ હોય છે જે ચાલની પટ્ટિકા (sieve plate) બનાવે છે. ચાલની નલિકાના ઘટકો જીવંત કોષો છે જેમાં કોષરસ અને કોષકેન્દ્ર હોય છે. સાથી કોષો મૃદુતકીય સ્વભાવના હોય છે. તેઓ ચાલની નલિકાના ઘટકોમાં દબાણ ઢાળ જાળવવામાં મદદ કરે છે. અન્નવાહક મૃદુતક ખોરાકના સંગ્રહમાં મદદ કરે છે અને તે ઘટ્ટ કોષરસ ધરાવતા લાંબા અણીદાર કોષોની બનેલી હોય છે. અન્નવાહક તંતુઓ જાડી કોષદીવાલ ધરાવતા લાંબા દ્રઢોતકીય કોષોના બનેલા હોય છે.