ગોસિયન સપાટી (Gaussian surface) એટલે શું?

(N/A) ગોસિયન સપાટી એ ત્રિ-પરિમાણીય અવકાશમાં આવેલી કોઈપણ કાલ્પનિક બંધ સપાટી છે,જેના દ્વારા સદિશ ક્ષેત્ર (જેમ કે વિદ્યુત ક્ષેત્ર,ગુરુત્વાકર્ષણ ક્ષેત્ર અથવા ચુંબકીય ક્ષેત્ર) નું ફ્લક્સ ગણવામાં આવે છે.
સ્થિર વિદ્યુતશાસ્ત્રના સંદર્ભમાં,તે એક કાલ્પનિક બંધ સપાટી છે જેનો ઉપયોગ ગૌસના નિયમ સાથે કરવામાં આવે છે જેથી આપેલ વિદ્યુતભાર વિતરણ દ્વારા ઉત્પન્ન થતા વિદ્યુત ક્ષેત્રની ગણતરી સરળ બનાવી શકાય.
આ સપાટી સામાન્ય રીતે એવી રીતે પસંદ કરવામાં આવે છે કે જેમાં વિદ્યુતભાર વિતરણની સમપ્રમાણતા (જેમ કે ગોળાકાર,નળાકાર અથવા સમતલીય) જળવાય,જેથી સપાટી પર વિદ્યુત ક્ષેત્રનું મૂલ્ય અચળ રહે.