આકૃતિમાં ડાબી બાજુની ધાતુની પ્લેટ પર $+q$ જેટલો વિદ્યુતભાર છે. જમણી બાજુની ધાતુની પ્લેટ પર $-2q$ જેટલો વિદ્યુતભાર છે. જો મધ્યની પ્લેટ શરૂઆતમાં તટસ્થ હોય,તો સ્વીચ $S$ બંધ કરવામાં આવે ત્યારે તેમાંથી કેટલો વિદ્યુતભાર વહેશે?

$R_1$ અને $R_2$ ત્રિજ્યા ધરાવતા બે વિદ્યુતભારીત ગોળાઓને વાયર વડે જોડવામાં આવે છે. ગોળાઓની સપાટી પરના વિદ્યુતક્ષેત્રનો ગુણોત્તર . . . . . . છે.

દર્શાવો કે સ્થિતવિદ્યુત સ્થિતિમાન વાહકના સમગ્ર કદમાં અચળ હોય છે અને તેની સપાટી પર પણ (અંદરની જેમ જ) સમાન મૂલ્ય ધરાવે છે.

$(a)$ આકૃતિ $(a)$ માં દર્શાવ્યા મુજબ એક પોલાણ ધરાવતા વાહક $A$ ને $Q$ વિદ્યુતભાર આપવામાં આવે છે. સાબિત કરો કે સમગ્ર વિદ્યુતભાર વાહકની બહારની સપાટી પર જ હોવો જોઈએ.
$(b)$ $q$ વિદ્યુતભાર ધરાવતા બીજા વાહક $B$ ને $A$ થી અલગ રાખીને પોલાણમાં દાખલ કરવામાં આવે છે. સાબિત કરો કે $A$ ની બહારની સપાટી પરનો કુલ વિદ્યુતભાર $Q+q$ છે [આકૃતિ $(b)$].
$(c)$ એક સંવેદનશીલ સાધનને તેના પર્યાવરણમાં રહેલા પ્રબળ સ્થિત-વિદ્યુત ક્ષેત્રોથી સુરક્ષિત રાખવાનું છે. એક શક્ય રીત સૂચવો.

વાહકોના સ્થિર વિદ્યુતશાસ્ત્ર (electrostatics) સમજાવો. બાહ્ય વિદ્યુતક્ષેત્રમાં મૂકવામાં આવેલા ધાતુના વાહકની અંદર ઉત્પન્ન થતી અસરો સમજાવો.

$10\, cm$ ત્રિજ્યા ધરાવતા એક વાહક ગોળાને $10\,\mu C$ વિદ્યુતભાર આપવામાં આવે છે. $20\, cm$ ત્રિજ્યા ધરાવતા બીજા એક વિદ્યુતભારરહિત ગોળાને તેની સાથે થોડા સમય માટે સ્પર્શ કરાવવામાં આવે છે. ત્યારબાદ ગોળાઓને અલગ કરતાં,તેમની સપાટી પરના વિદ્યુતભારની પૃષ્ઠ ઘનતાનો ગુણોત્તર કેટલો થશે?