અંડક (Megasporangium) ની રચના આકૃતિ સાથે વર્ણવો.

(N/A) અંડક એ એક નાની રચના છે જે અંડકદંડ (funicle) નામના વૃંત દ્વારા જરાયુ (placenta) સાથે જોડાયેલ હોય છે.
અંડકનો મુખ્ય ભાગ જે વિસ્તારમાં અંડકદંડ સાથે જોડાય છે તેને બીજકેન્દ્ર (hilum) કહે છે. આમ,બીજકેન્દ્ર એ અંડક અને અંડકદંડ વચ્ચેનું જોડાણ સ્થાન છે.
દરેક અંડક એક અથવા બે રક્ષણાત્મક આવરણો ધરાવે છે જેને અંડકાવરણો (integuments) કહે છે.
અંડકાવરણો પ્રદેહ (nucellus) ને ઘેરે છે,સિવાય કે ટોચના ભાગે જ્યાં એક નાનું છિદ્ર રચાય છે જેને અંડક છિદ્ર (micropyle) કહે છે.
અંડક છિદ્રની વિરુદ્ધ દિશામાં અંડકતલીય ધ્રુવ (chalaza) હોય છે,જે અંડકનો તલસ્થ ભાગ દર્શાવે છે.
અંડકાવરણોની અંદર કોષોનો સમૂહ હોય છે જેને પ્રદેહ (nucellus) કહે છે. પ્રદેહના કોષો ખોરાકનો સંગ્રહ કરે છે.
પ્રદેહમાં ભ્રૂણપુટ (embryo sac) અથવા માદા જન્યુજનક આવેલું હોય છે. સામાન્ય રીતે એક અંડકમાં એક જ ભ્રૂણપુટ હોય છે જે મહાબીજાણુ (megaspore) માંથી બને છે.
મહાબીજાણુજનન (Megasporogenesis): મહાબીજાણુ માતૃકોષમાંથી મહાબીજાણુઓ બનવાની પ્રક્રિયાને મહાબીજાણુજનન કહે છે.