લઘુબીજાણુજનન (Microsporogenesis) ની પ્રક્રિયાનું વર્ણન કરો.

(N/A) $1$. જ્યારે પરાગાશય તરુણ હોય છે,ત્યારે દરેક લઘુબીજાણુધાનીના કેન્દ્રમાં સઘન રીતે ગોઠવાયેલા સમાન કોષોનો સમૂહ હોય છે,જેને બીજાણુજનક પેશી (sporogenous tissue) કહે છે.
$2$. જેમ જેમ પરાગાશયનો વિકાસ થાય છે,તેમ બીજાણુજનક પેશીના કોષો અર્ધીકરણ (meiosis) પામીને લઘુબીજાણુ ચતુષ્ક (microspore tetrads) બનાવે છે.
$3$. બીજાણુજનક પેશીનો દરેક કોષ લઘુબીજાણુ ચતુષ્ક ઉત્પન્ન કરવાની ક્ષમતા ધરાવે છે અને તે પરાગમાતૃકોષ (pollen mother cell - $PMC$) તરીકે વર્તે છે.
$4$. પરાગમાતૃકોષમાંથી અર્ધીકરણ દ્વારા લઘુબીજાણુઓ બનવાની પ્રક્રિયાને લઘુબીજાણુજનન કહે છે.
$5$. લઘુબીજાણુઓ નિર્માણ પામે ત્યારે તે ચાર કોષોના સમૂહમાં ગોઠવાયેલા હોય છે,જેને લઘુબીજાણુ ચતુષ્ક કહે છે.
$6$. જેમ જેમ પરાગાશય પરિપક્વ થાય અને શુષ્ક બને છે,તેમ લઘુબીજાણુઓ એકબીજાથી છૂટા પડે છે અને પરાગરજમાં વિકસે છે.
$7$. દરેક લઘુબીજાણુધાનીની અંદર હજારોની સંખ્યામાં લઘુબીજાણુઓ અથવા પરાગરજ બને છે,જે પરાગાશયના સ્ફોટન સાથે મુક્ત થાય છે.