$2 \sqrt{2} + 5 \sqrt{3}$ અને $\sqrt{2} - 3 \sqrt{3}$ નો સરવાળો કરો.

યાદ કરો,$\pi$ ને વર્તુળના પરિઘ (ધારો કે $c$) અને તેના વ્યાસ (ધારો કે $d$) ના ગુણોત્તર તરીકે વ્યાખ્યાયિત કરવામાં આવે છે. એટલે કે,$\pi = \frac{c}{d}$. આ હકીકત $\pi$ અસંમેય છે તે વિધાન સાથે વિરોધાભાસ ધરાવે છે તેમ લાગે છે. તમે આ વિરોધાભાસને કેવી રીતે દૂર કરશો?

તમે જાણો છો કે $\frac{1}{7} = 0.\overline{142857}$ છે. શું તમે ભાગાકારની લાંબી પ્રક્રિયા કર્યા વગર $\frac{2}{7}, \frac{3}{7}, \frac{4}{7}, \frac{5}{7}, \frac{6}{7}$ ની દશાંશ અભિવ્યક્તિ શું હશે તેનું અનુમાન કરી શકો છો? જો હા,તો કેવી રીતે?

શું શૂન્ય એક સંમેય સંખ્યા છે? શું તમે તેને $\frac{p}{q}$ સ્વરૂપમાં લખી શકો,જ્યાં $p$ અને $q$ પૂર્ણાંક છે અને $q \ne 0$ છે?

દર્શાવો કે $1.272727 \ldots = 1.\overline{27}$ ને $\frac{p}{q}$ સ્વરૂપમાં દર્શાવી શકાય છે,જ્યાં $p$ અને $q$ પૂર્ણાંક છે અને $q \neq 0$.

$3$ અને $4$ ની વચ્ચે છ સંમેય સંખ્યાઓ શોધો.