એક પાસાને બે વાર ફેંકવામાં આવે છે. જો પાસા પર $4$ કરતા મોટી સંખ્યા મેળવવી એ સફળતા ગણવામાં આવે,તો સફળતાઓની સંખ્યાના સંભાવના વિતરણનું વિચરણ કેટલું થાય?

એક પાત્રમાં $25$ દડા છે,જેમાંથી $10$ દડા પર $'X'$ નિશાની છે અને બાકીના $15$ દડા પર $'Y'$ નિશાની છે. પાત્રમાંથી એક દડો યાદચ્છિક રીતે પસંદ કરવામાં આવે છે,તેની નિશાની નોંધવામાં આવે છે અને તેને પાછો મૂકવામાં આવે છે. જો આ રીતે $6$ દડા પસંદ કરવામાં આવે,તો બધા દડા પર $'X'$ નિશાની હોય તેની સંભાવના શોધો.

જો યાદચ્છિક ચલ $X$ એ દ્વિપદી વિતરણ $B(33, p)$ ને અનુસરે છે,જેથી $3P(X=0) = P(X=1)$ થાય,તો $\frac{P(X=15)}{P(X=18)} - \frac{P(X=16)}{P(X=17)}$ ની કિંમત કેટલી થાય?

$100$ બલ્બના જથ્થામાં $10$ ખામીયુક્ત બલ્બ છે. જથ્થામાંથી યાદચ્છિક રીતે પાંચ બલ્બ પસંદ કરીને છૂટક દુકાન પર મોકલવામાં આવે છે. તો દુકાનને વધુમાં વધુ એક ખામીયુક્ત બલ્બ મળે તેની સંભાવના કેટલી?

એક પાસાને $5$ વખત ઉછાળવામાં આવે છે. એક પ્રયત્નમાં એકી સંખ્યા મેળવવી એ સફળતા ગણાય છે. સફળતાઓના વિતરણનું વિચરણ કેટલું થાય?

એક સિક્કાને નિશ્ચિત સંખ્યામાં ઉછાળવામાં આવે છે. જો $5$ છાપ (tails) મળવાની સંભાવના એ $7$ છાપ મળવાની સંભાવના જેટલી જ હોય,તો $3$ છાપ મળવાની સંભાવના કેટલી થાય?