$T$ એ પૃથ્વીની સપાટી પર સાદા લોલકનો આવર્તકાળ છે. જ્યારે તેને પૃથ્વીની સપાટીથી $R$ (પૃથ્વીની ત્રિજ્યા જેટલી) ઊંચાઈ પર લઈ જવામાં આવે ત્યારે તેનો આવર્તકાળ $xT$ થાય છે. તો,$x$ નું મૂલ્ય કેટલું હશે?

પૃથ્વીની તેની અક્ષને અનુલક્ષીને કોણીય ઝડપ કેટલી હોવી જોઈએ જેથી વિષુવવૃત્ત પર ગુરુત્વપ્રવેગ શૂન્ય થાય?

પૃથ્વીની કોણીય ઝડપ $rad/s$ માં કેટલી હોવી જોઈએ,જેથી વિષુવવૃત્ત પરની વસ્તુઓ વજનરહિત જણાય? [$g = 10\, m/s^2$ અને પૃથ્વીની ત્રિજ્યા $R = 6.4 \times 10^3\, km$ લો]

એક ગ્રહનું દળ અને વ્યાસ પૃથ્વીના અનુરૂપ મૂલ્યો કરતાં ત્રણ ગણા છે. પૃથ્વી પર સાદા લોલકનો દોલનનો સમયગાળો $2 \ s$ છે. તે જ લોલકનો ગ્રહ પર દોલનનો સમયગાળો કેટલો હશે?

પૃથ્વીને સમાન દળ ઘનતા ધરાવતો ગોળો ધારીએ તો, એક પદાર્થનું વજન પૃથ્વીની સપાટી પર $300 \,N$ છે. પૃથ્વીની સપાટીથી $R/4$ ઊંડાઈએ તેનું વજન કેટલું હશે ($\,N$ માં)?

જ્યારે એક દડાને $h$ ઊંચાઈ પરથી નીચે પાડવામાં આવે છે,ત્યારે તેને જમીન પર પહોંચતા $t \ s$ લાગે છે. જો આ જ પ્રયોગ પૃથ્વીના દળ કરતાં $100$ ગણું દળ અને પૃથ્વીની ત્રિજ્યા કરતાં $10$ ગણી ત્રિજ્યા ધરાવતા બીજા ગ્રહ પર કરવામાં આવે,તો તે જ ઊંચાઈ કાપવા માટે લાગતો સમય કેટલો હશે?