નિસ્યંદિત પાણી વિદ્યુતનું વહન કેમ કરતું નથી,જ્યારે વરસાદનું પાણી કરે છે?

જ્યારે નીચેની પ્રક્રિયાઓ થાય ત્યારે શબ્દ સમીકરણો અને ત્યારબાદ સંતુલિત રાસાયણિક સમીકરણો લખો:
$(a)$ મંદ સલ્ફ્યુરિક એસિડની ઝિંકના દાણા સાથેની પ્રક્રિયા.
$(b)$ મંદ હાઇડ્રોક્લોરિક એસિડની મેગ્નેશિયમની પટ્ટી સાથેની પ્રક્રિયા.

જ્યારે એસિડ ધાતુ સાથે પ્રતિક્રિયા આપે છે ત્યારે સામાન્ય રીતે કયો વાયુ મુક્ત થાય છે? ઉદાહરણ આપી સમજાવો. તમે આ વાયુની હાજરીની ચકાસણી કેવી રીતે કરશો?

ધાતુનું સંયોજન $A$ મંદ હાઇડ્રોક્લોરિક એસિડ સાથે પ્રક્રિયા કરીને ઉભરા (effervescence) ઉત્પન્ન કરે છે. ઉત્પન્ન થતો વાયુ સળગતી મીણબત્તીને ઓલવી નાખે છે. જો બનતા સંયોજનોમાંનું એક કેલ્શિયમ ક્લોરાઇડ હોય,તો આ પ્રક્રિયા માટેનું સંતુલિત રાસાયણિક સમીકરણ લખો.

તમને ત્રણ કસનળીઓ આપવામાં આવી છે. તેમાંથી એકમાં નિસ્યંદિત પાણી છે અને બાકીની બેમાં અનુક્રમે એસિડિક દ્રાવણ અને બેઝિક દ્રાવણ છે. જો તમને માત્ર લાલ લિટમસ પેપર આપવામાં આવે,તો તમે દરેક કસનળીમાં રહેલા દ્રાવણને કેવી રીતે ઓળખશો?

સોડિયમ હાઇડ્રોક્સાઇડના દ્રાવણમાં વધારાનો બેઇઝ ઓગાળવામાં આવે ત્યારે હાઇડ્રોક્સાઇડ આયનો $(OH^-)$ ની સાંદ્રતા પર શું અસર થાય છે?