સૂર્ય તેના કેન્દ્રની આસપાસ $27$ દિવસમાં એકવાર ફરે છે. જો સૂર્ય કોઈ પણ બાહ્ય પ્રભાવ વિના તેની વર્તમાન ત્રિજ્યા કરતા બમણો વિસ્તરે, તો પરિભ્રમણનો સમયગાળો કેટલો હશે ($\text{દિવસ}$ માં)? સૂર્યને સમાન ઘનતા ધરાવતો ગોળો ધારો.

$m$ દળના પદાર્થને એક પાતળી દોરી સાથે બાંધીને તે દોરીને એક પોલા નળાકારમાંથી પસાર કરવામાં આવે છે. નળાકારને એક હાથમાં અને દોરીને બીજા હાથમાં પકડવામાં આવે છે. હવે પદાર્થને $R$ ત્રિજ્યાના વર્તુળમાં $v$ વેગથી ફેરવવામાં આવે છે. જો દોરીને નીચેની તરફ ખેંચીને ત્રિજ્યા ઘટાડવામાં આવે,તો નીચેનામાંથી કઈ રાશિનું સંરક્ષણ થાય છે?

એક બરફનો ટુકડો ગોળાકાર ટેબલના કેન્દ્ર પર મૂકવામાં આવ્યો છે. આ તંત્રને ટેબલની ધરીની આસપાસ $\omega$ કોણીય વેગથી ફેરવવામાં આવે છે. જો બરફ બાષ્પીભવન થયા વિના પીગળવા લાગે,તો તંત્રની પરિભ્રમણ ઝડપ:

એક વર્તુળાકાર પ્લેટફોર્મ તેના કેન્દ્રમાંથી પસાર થતી ઉર્ધ્વ અક્ષની આસપાસ સમક્ષિતિજ સમતલમાં મુક્તપણે ફરી શકે છે. એક કાચબો પ્લેટફોર્મની ધાર પર બેઠો છે. હવે, પ્લેટફોર્મને $\omega_0$ જેટલો કોણીય વેગ આપવામાં આવે છે. જ્યારે કાચબો પ્લેટફોર્મની જીવા (chord) પર અચળ વેગથી (પ્લેટફોર્મની સાપેક્ષમાં) ગતિ કરે છે, ત્યારે પ્લેટફોર્મનો કોણીય વેગ $\omega(t)$ સમય $t$ સાથે કેવી રીતે બદલાશે?

એક વર્તુળાકાર પ્લેટફોર્મ ઘર્ષણરહિત ઉભી ધરી પર ગોઠવેલું છે. તેની ત્રિજ્યા $R = 2\, m$ છે અને ધરીને અનુલક્ષીને તેની જડત્વની ચાકમાત્રા $200\, kg\, m^2$ છે. તે શરૂઆતમાં સ્થિર છે. એક $50\, kg$ નો માણસ પ્લેટફોર્મની ધાર પર ઉભો છે અને જમીનની સાપેક્ષે $1\, m/s$ ની ઝડપે ધાર પર ચાલવાનું શરૂ કરે છે. માણસને એક પરિભ્રમણ પૂર્ણ કરવા માટે લાગતો સમય કેટલો હશે?

$R = 0.5 \ m$ ત્રિજ્યા અને $M = 0.45 \ kg$ દળ ધરાવતું એક સમક્ષિતિજ વર્તુળાકાર પ્લેટફોર્મ તેની ધરી પર મુક્તપણે ફરી શકે છે. $m = 0.05 \ kg$ દળના સ્ટીલના દડા ધરાવતી બે દળરહિત સ્પ્રિંગ ટોય-ગન,પ્લેટફોર્મના કેન્દ્રથી $r = 0.25 \ m$ અંતરે તેના વ્યાસની બંને બાજુએ લગાવેલી છે (આકૃતિ જુઓ). દરેક ગન એકસાથે દડાઓને સમક્ષિતિજ દિશામાં અને વ્યાસને લંબરૂપે વિરુદ્ધ દિશામાં છોડે છે. પ્લેટફોર્મ છોડ્યા પછી,દડાઓ જમીનની સાપેક્ષે $v = 9 \ m/s$ ની સમક્ષિતિજ ઝડપ ધરાવે છે. દડાઓ પ્લેટફોર્મ છોડી દે તે પછી પ્લેટફોર્મની કોણીય ઝડપ $rad/s$ માં કેટલી હશે?