સમય $t$ અને અંતર $x$ વચ્ચેનો સંબંધ $t = \alpha x^2 + \beta x$ છે,જ્યાં $\alpha$ અને $\beta$ અચળાંકો છે. પ્રવેગ $a$ અને વેગ $v$ વચ્ચેનો સંબંધ શું છે?

એક કણ સીધી રેખામાં ગતિ કરે છે, જે અંતરનો પ્રથમ અડધો ભાગ $3 \, m \, s^{-1}$ ની ઝડપે કાપે છે. બાકીનું અડધું અંતર બે સમાન સમયગાળામાં અનુક્રમે $4.5 \, m \, s^{-1}$ અને $7.5 \, m \, s^{-1}$ ની ઝડપે કાપે છે, તો ગતિ દરમિયાન કણની સરેરાશ ઝડપ કેટલી હશે?

નીચે આપેલા વિધાનો ખરાં છે કે ખોટાં તે જણાવો:
$(a)$ ઝડપમાં ફેરફાર થયા વગર વેગમાં ફેરફાર થઈ શકે છે.
$(b)$ મુક્તપતન પામતા પદાર્થે આપેલા સમયમાં કાપેલું કુલ અંતર એ સમયના સમપ્રમાણમાં હોય છે.
$(c)$ કણ એટલે પરિમાણ ધરાવતો બિંદુવત પદાર્થ.

એક દારૂડિયો સાંકડી ગલીમાં ચાલે છે,તે $5$ ડગલાં આગળ અને $3$ ડગલાં પાછળ ભરે છે,ત્યારબાદ ફરીથી $5$ ડગલાં આગળ અને $3$ ડગલાં પાછળ ભરે છે,અને આ ક્રમ ચાલુ રહે છે. દરેક ડગલું $1\; m$ લાંબું છે અને તેને ભરવા માટે $1\; s$ સમય લાગે છે. તેની ગતિનો $x-t$ આલેખ દોરો. શરૂઆતથી $13\; m$ દૂર આવેલા ખાડામાં પડવા માટે દારૂડિયાને કેટલો સમય ($s$ માં) લાગશે?

સમય $t=0$ પર,એક કણ ઉગમબિંદુથી નીકળે છે અને $X$-અક્ષની ધન દિશામાં ગતિ કરે છે. જો કણનો વેગ $v(t)=v_0(1-t/t_0)$ મુજબ બદલાતો હોય,જ્યાં $|v_0|=10 \ m/s$ અને $t_0=10 \ s$ હોય,તો પ્રથમ $20 \ s$ દરમિયાન કણ દ્વારા કાપેલું અંતર કેટલું હશે ($m$ માં)?

એક વ્યક્તિ પેરાશૂટ પહેરીને જમીનથી $2 \ km$ ની ઊંચાઈએથી પ્લેનમાંથી કૂદકો મારે છે અને પેરાશૂટ ખુલે તે પહેલાં $20 \ m$ સુધી મુક્ત પતન કરે છે. પેરાશૂટ ખુલ્યા પછી,જો તે મુક્ત પતનને કારણે પ્રાપ્ત થયેલા વેગ સાથે સમાન ગતિએ આગળ વધે,તો વ્યક્તિને જમીન પર પહોંચવા માટે લાગતો કુલ સમય કેટલો છે ($s$ માં)? (ગુરુત્વાકર્ષણને કારણે પ્રવેગ $= 10 \ m/s^2$)