સમાન વિદ્યુતક્ષેત્રમાં અધ્રુવીય અણુનું ધ્રુવીભવન સમજાવો અને રેખીય સમદિગ્ધર્મી ડાયઇલેક્ટ્રિક્સની વ્યાખ્યા આપો.

(N/A) આકૃતિમાં દર્શાવ્યા મુજબ,બાહ્ય વિદ્યુતક્ષેત્રમાં અધ્રુવીય અણુના ધન અને ઋણ વીજભારો વિરુદ્ધ દિશામાં સ્થાનાંતરિત થાય છે.
જ્યારે અણુના ઘટક વીજભારો પર લાગતું બાહ્ય બળ,પુનઃસ્થાપક બળ (અણુમાં રહેલા આંતરિક ક્ષેત્રોને કારણે) દ્વારા સંતુલિત થાય છે ત્યારે આ સ્થાનાંતર અટકી જાય છે.
આમ,અધ્રુવીય અણુમાં ક્ષેત્રની દિશામાં પ્રેરિત ડાયપોલ મોમેન્ટ ઉદભવે છે.
રેખીય સમદિગ્ધર્મી ડાયઇલેક્ટ્રિક્સ: જે પદાર્થો માટે પ્રેરિત ડાયપોલ મોમેન્ટ ક્ષેત્રની દિશામાં હોય અને તે ક્ષેત્રની તીવ્રતાના સમપ્રમાણમાં હોય,તેવા પદાર્થોને રેખીય સમદિગ્ધર્મી ડાયઇલેક્ટ્રિક્સ કહેવામાં આવે છે.
બાહ્ય ક્ષેત્રની હાજરીમાં વિવિધ અણુઓની પ્રેરિત ડાયપોલ મોમેન્ટોનો સરવાળો થઈને ડાયઇલેક્ટ્રિકની કુલ ડાયપોલ મોમેન્ટ મળે છે.