મેન્ડલ દ્વારા વટાણાના છોડ પર કરવામાં આવેલા સંકરણ (hybridization)નાં ચરણો વર્ણવો.

(N/A) મેન્ડલે વટાણાના બે છોડ પસંદ કર્યા,જે પૈકી એક ઊંચા પ્રકાંડવાળો (Tall) અને બીજો વામન (Dwarf) પ્રકાંડવાળો હતો. આ બંને છોડને પિતૃ છોડ $(P)$ ગણવામાં આવ્યા,જે શુદ્ધ ઉછેર ધરાવતા હતા (અનેક પેઢીઓ સુધી લક્ષણોની શુદ્ધતા જાળવી રાખતા).
માદા પિતૃ છોડમાં,અપરિપક્વ પુષ્પમાંથી પુંકેસર દૂર કરવામાં આવ્યા હતા. આ પુષ્પને પરિપક્વ થાય ત્યાં સુધી નાની પેપર કોથળી વડે ઢાંકવામાં આવ્યા હતા. ત્યારબાદ,નર વામન છોડ પરથી એકત્રિત કરેલી પરાગરજને તેના સ્ત્રીકેસર પર છાંટવામાં આવી હતી.
વટાણાના પુષ્પ ઉભયલિંગી હોય છે. આ પદ્ધતિમાં,એક છોડને નર અને બીજાને માદા તરીકે ગણવામાં આવે છે.
જે છોડને માદા તરીકે પસંદ કરવામાં આવે છે,તેના પુંકેસરને અપરિપક્વ અવસ્થામાં દૂર કરવામાં આવે છે. આ પ્રક્રિયાને ઇમેસ્ક્યુલેશન (વંધ્યીકરણ) કહે છે,જે સ્વ-પરાગનયન અટકાવવા માટે કરવામાં આવે છે.
વંધ્યીકૃત પુષ્પને અનિચ્છનીય પર-પરાગનયન અટકાવવા માટે કોથળી વડે ઢાંકવામાં આવે છે. આને બેગિંગ (કોથળી ચઢાવવી) કહે છે.
નર છોડમાંથી પરિપક્વ પરાગરજ એકત્રિત કરી વંધ્યીકૃત પુષ્પના સ્ત્રીકેસર પર છાંટવામાં આવે છે.
આ છોડમાંથી બીજ એકત્રિત કરવામાં આવે છે,જે વાવીને નવી પેઢી ઉછેરવામાં આવે છે.
આ પેઢીને પ્રથમ સંતતિ પેઢી ($F_1$ પેઢી) કહેવામાં આવે છે.