કુલંબના નિયમના સદિશ સ્વરૂપ માટે કેટલાક મહત્વના મુદ્દાઓ લખો.

(N/A) કુલંબના નિયમનું સદિશ સ્વરૂપ $\overrightarrow{F_{21}} = \frac{1}{4 \pi \epsilon_{0}} \cdot \frac{q_{1} q_{2}}{r_{21}^{2}} \cdot \hat{r}_{21}$ દ્વારા આપવામાં આવે છે.
આ સમીકરણ $q_{1}$ અને $q_{2}$ ના ધન અને ઋણ બંને મૂલ્યો માટે સાચું છે.
જો $q_{1}$ અને $q_{2}$ સમાન ચિહ્ન ધરાવતા હોય (બંને ધન અથવા બંને ઋણ),તો $\overrightarrow{F_{21}}$ એ $\hat{r}_{21}$ ની દિશામાં હોય છે,જે અપાકર્ષણ દર્શાવે છે.
જો $q_{1}$ અને $q_{2}$ વિરુદ્ધ ચિહ્ન ધરાવતા હોય,તો $\overrightarrow{F_{21}}$ એ $-\hat{r}_{21}$ (અથવા $\hat{r}_{12}$) ની દિશામાં હોય છે,જે આકર્ષણ દર્શાવે છે.
$1$ અને $2$ ને અદલાબદલી કરતા,આપણને $\overrightarrow{F_{12}} = \frac{1}{4 \pi \epsilon_{0}} \cdot \frac{q_{1} q_{2}}{r_{12}^{2}} \hat{r}_{12} = -\overrightarrow{F_{21}}$ મળે છે,જે દર્શાવે છે કે કુલંબનો નિયમ ન્યૂટનના ગતિના ત્રીજા નિયમ સાથે સુસંગત છે.
જો વિદ્યુતભારોને $K$ ડાયઇલેક્ટ્રિક અચળાંક ધરાવતા માધ્યમમાં મૂકવામાં આવે,તો બળ $K$ ગણું ઘટે છે.
કુલંબ બળ એ કેન્દ્રીય બળ છે,એટલે કે તે બે વિદ્યુતભારોના કેન્દ્રોને જોડતી રેખા પર કાર્ય કરે છે. તે વ્યસ્ત વર્ગનો નિયમ છે.
વિદ્યુત બળ બે પ્રકારના હોય છે: આકર્ષી અને અપાકર્ષી.
ત્રીજા વિદ્યુતભારની હાજરી બે વિદ્યુતભારો વચ્ચેના બળને અસર કરતી નથી,તેથી કુલંબ બળને દ્વિ-પદ બળ (two-body force) કહેવામાં આવે છે.