$DC$ સિગ્નલ અને $AC$ સિગ્નલ એટલે શું ? શા માટે $AC$ સિગ્નલનો ઉપયોગ કરવાનું પસંદ કરવામાં આવે છે ?

$DC$ સિગ્નલ (પ્રવાહ અને વોલ્ટેજ) સમય સાથે બદલાતાં નથી એટલે કે, તે એકદિશ સિગ્નલ (પ્રવાહ કે વોલ્ટેજ) છે.

જો સપ્લાયમાંથી મળતો વોલ્ટેજ સમય સાથે $sine$ વિધેય અનુસાર બદલાય તો આવા વોલ્ટેજને પ્રત્યાવર્તી (ઉલટસૂલટ) અથવા $ac$ વોલ્ટેજ કહે છે.

વોલ્ટેજ શબ્દનો સામાન્ય અર્થ બે બિંદુઓ વચ્ચેના વિદ્યુતસ્થિતિમાનનો તફાવત છે.

$ac$ વોલ્ટેજ વડે પરિપથમાં વહેતા પ્રવાહને પ્રત્યાવર્તી (ઉલટસૂલટ) $ac$ પ્રવાહ કહે છે.

પાવર કંપનીઓ દ્વારા વેચાતી વિદ્યુતઊર્જાનું પ્રસારણ અને વહેંચણી પ્રત્યાવર્ત સ્વરૂપે થાય છે તે ડી.સી. વોલ્ટેજના બદલે એ.સી. વોલ્ટેજનો ઉપયોગ પસંદ કરવાનું મુખ્ય કારણ છે.

આ માટેનું બીજું કારણ એ છે, કે ટ્રાન્સફોર્મરની મદદથી જરૂરિયાત મુજબના વોલ્ટેજ મેળવી શકાય છે. ડી.સી. વોલ્ટેજ માટે ટ્રાન્સફૉર્મર કાર્ય કરતું નથી.

ઉપરાંત વિદ્યુતઊર્જાનું કરકસરયુક્ત લાંબા અંતર સુધી પ્રસારણ કરી શકાય છે.