એક રમતગમતના કાર્યક્રમમાં,એક ડિસ્કને એવી રીતે ફેંકવામાં આવે છે કે તે $80 \ m$ ની તેની મહત્તમ રેન્જ સુધી પહોંચે છે. પ્રથમ $3 \ s$ માં કાપેલું અંતર કેટલું હશે ($m$ માં)? $(g = 10 \ m/s^2)$

પ્રક્ષિપ્ત પદાર્થ દ્વારા પ્રાપ્ત કરેલ સમક્ષિતિજ અવધિ અને મહત્તમ ઊંચાઈ અનુક્રમે $R$ અને $H$ છે. જો પવનને કારણે પ્રક્ષિપ્ત પદાર્થને $a=g/4$ જેટલો અચળ સમક્ષિતિજ પ્રવેગ આપવામાં આવે,તો તેની સમક્ષિતિજ અવધિ અને મહત્તમ ઊંચાઈ કેટલી થશે?

એક તીડ મહત્તમ $1.6 \; m$ અંતર કૂદી શકે છે. તે જમીન પર નહિવત સમય વિતાવે છે. તો તે $10 \; s$ માં કેટલું અંતર કાપી શકે?

બે પ્રક્ષિપ્ત પદાર્થોને સમાન પ્રારંભિક ઝડપ સાથે જમીન પરના એક જ બિંદુથી સમક્ષિતિજ દિશા સાથે અનુક્રમે $(45^{\circ}-\alpha)$ અને $(45^{\circ}+\alpha)$ ના ખૂણે ફેંકવામાં આવે છે. તેમની દ્વારા પ્રાપ્ત મહત્તમ ઊંચાઈનો ગુણોત્તર કેટલો થાય?

એક પ્રક્ષિપ્ત પદાર્થને $\theta$ ખૂણે એવી રીતે ફેંકવામાં આવે છે કે તે આકૃતિમાં દર્શાવ્યા મુજબ તેના મહત્તમ ઊંચાઈના બિંદુએ $H$ ઊંચાઈની ઊભી દીવાલને માંડ ઓળંગી શકે છે. પ્રક્ષેપણ બિંદુથી દીવાલનું આડું અંતર $\sqrt{3} H$ છે. પ્રક્ષિપ્ત પદાર્થને જે ખૂણે ફેંકવામાં આવે છે તે $\theta$ છે:

એક પદાર્થને એવી રીતે પ્રક્ષિપ્ત કરવામાં આવે છે કે જેથી આપેલા વેગ માટે તે મહત્તમ અવધિ (Range) પ્રાપ્ત કરે. મહત્તમ ઊંચાઈએ પદાર્થનો વેગ શોધો.