રાસાયણિક પ્રક્રિયા સાથે સંબંધિત એન્થાલ્પીમાં થતો ફેરફાર સમજાવો.

રાસાયણિક પ્રક્રિયામાં,પ્રક્રિયકોનું નીપજોમાં રૂપાંતર થાય છે,જે આ રીતે દર્શાવવામાં આવે છે: $\text{Reactants} \rightarrow \text{Products}$.
પ્રક્રિયા સાથે સંકળાયેલ એન્થાલ્પીના ફેરફારને પ્રક્રિયા એન્થાલ્પી કહેવામાં આવે છે. રાસાયણિક પ્રક્રિયાના એન્થાલ્પી ફેરફારને $\Delta_{r} H$ સંજ્ઞા દ્વારા દર્શાવવામાં આવે છે.
$\Delta_{r} H = (\sum \text{Enthalpies of products}) - (\sum \text{Enthalpies of reactants}) = \sum a_{i} H_{\text{products}} - \sum b_{i} H_{\text{reactants}}$
અહીં,$\sum$ સંજ્ઞા સરવાળા માટે વપરાય છે અને $a_{i}$ તથા $b_{i}$ એ સંતુલિત રાસાયણિક સમીકરણમાં અનુક્રમે નીપજો અને પ્રક્રિયકોના તત્વયોગમિતીય સહગુણકો છે.
ઉદાહરણ તરીકે,પ્રક્રિયા: $CH_{4(g)} + 2O_{2(g)} \rightarrow CO_{2(g)} + 2H_{2}O_{(l)}$ માટે
$\Delta_{r} H = [H_{m}(CO_{2}, g) + 2H_{m}(H_{2}O, l)] - [H_{m}(CH_{4}, g) + 2H_{m}(O_{2}, g)]$
જ્યાં $H_{m}$ એ મોલર એન્થાલ્પી છે.