પરાગરજની રચનાનું વર્ણન કરો અને તેમાં નર જન્યુજનકનો વિકાસ સમજાવો.

(N/A) પરાગરજની રચના:
$1$. પરાગરજ એ નર જન્યુજનકનું પ્રતિનિધિત્વ કરે છે. તે સામાન્ય રીતે ગોળાકાર હોય છે અને તેનો વ્યાસ આશરે $25-50 \ \mu m$ હોય છે.
$2$. તે સ્પષ્ટ બે સ્તરીય દીવાલ ધરાવે છે. સખત બહારના સ્તરને બાહ્યકવચ (exine) કહેવાય છે,જે સ્પોરોપોલેનિનનું બનેલું હોય છે. તે અત્યાર સુધી જાણીતા સૌથી પ્રતિરોધક કાર્બનિક પદાર્થોમાંનું એક છે. તે ઊંચા તાપમાન,પ્રબળ એસિડ અને બેઝ સામે ટકી શકે છે. સ્પોરોપોલેનિનનું વિઘટન કરી શકે તેવો કોઈ ઉત્સેચક અત્યાર સુધી જાણીતો નથી.
$3$. બાહ્યકવચમાં સ્પષ્ટ છિદ્રો હોય છે જેને જનન છિદ્રો (germ pores) કહેવાય છે,જ્યાં સ્પોરોપોલેનિન ગેરહાજર હોય છે. આ પરાગનલિકાના નિર્માણ માટે જરૂરી છે.
$4$. પરાગરજની અંદરની દીવાલને અંતઃકવચ (intine) કહેવાય છે. તે સેલ્યુલોઝ અને પેક્ટિનની બનેલી પાતળી અને સળંગ દીવાલ છે.
નર જન્યુજનકનો વિકાસ:
$1$. લઘુબીજાણુનું કોષકેન્દ્ર સમભાજન પામીને બે અસમાન કોષો બનાવે છે: એક મોટો વાનસ્પતિક કોષ અને એક નાનો જનન કોષ.
$2$. વાનસ્પતિક કોષ ખોરાકનો સંગ્રહ કરે છે અને તેમાં મોટું,અનિયમિત આકારનું કોષકેન્દ્ર હોય છે.
$3$. જનન કોષ નાનો હોય છે અને વાનસ્પતિક કોષના કોષરસમાં તરે છે. તે ત્રાકાકાર હોય છે અને ઘટ્ટ કોષરસ તથા કોષકેન્દ્ર ધરાવે છે.
$4$. $60\%$ થી વધુ આવૃત બીજધારી વનસ્પતિઓમાં,પરાગરજ આ $2$-કોષીય અવસ્થાએ મુક્ત થાય છે. અન્યમાં,પરાગરજ મુક્ત થાય તે પહેલાં જનન કોષ સમભાજન પામીને બે નર જન્યુઓ ઉત્પન્ન કરે છે ($3$-કોષીય અવસ્થા).