દ્વિદળી વનસ્પતિના તરુણ પ્રકાંડ (દા.ત. સૂર્યમુખી) ની આંતરિક રચનાનું વર્ણન કરો.

(N/A) $\rightarrow$ સૂર્યમુખી એક એકવર્ષાયુ વનસ્પતિ છે જેનું પ્રકાંડ ટટ્ટાર હોય છે.
$\rightarrow$ સૂર્યમુખીના તરુણ પ્રકાંડના આડછેદ $(TS)$ માં નીચે મુજબની રચનાઓ જોવા મળે છે:
$(1)$ અધિસ્તર (Epidermis): આ સૌથી બહારનું રક્ષણાત્મક સ્તર છે,જે એક સ્તરીય અને મૃદુતકીય કોષોનું બનેલું હોય છે. તેની બહારની દીવાલ પર ક્યુટિકલનું પાતળું પડ હોય છે. તેમાં રોમ (trichomes) અને વાયુવિનિમય માટે થોડા વાયુરંધ્રો હોઈ શકે છે.
$(2)$ બાહ્યક (Cortex): તેમાં અધઃસ્તર,મુખ્ય બાહ્યક અને અંતઃસ્તર એમ ત્રણ ભાગોનો સમાવેશ થાય છે.
$(i)$ અધઃસ્તર (Hypodermis): તે અધિસ્તરની નીચે આવેલું હોય છે. તે $3-4$ સ્તરના સ્થૂલકોણક કોષોનું બનેલું હોય છે. કોષદીવાલ પર સેલ્યુલોઝ અને પેક્ટીનનું સ્થૂલન હોય છે અને આંતરકોષીય અવકાશનો અભાવ હોય છે. તે યાંત્રિક આધાર આપે છે.
$(ii)$ મુખ્ય બાહ્યક (Main Cortex): અધઃસ્તરની નીચેનો ભાગ મૃદુતકીય પેશીનો બનેલો હોય છે,જેમાં સ્પષ્ટ આંતરકોષીય અવકાશ જોવા મળે છે. કોષદીવાલ પાતળી અને સેલ્યુલોઝની બનેલી હોય છે. આ વિસ્તારમાં રેઝિન નલિકાઓ હોઈ શકે છે. આ કોષો ખોરાક અને પાણીનો સંગ્રહ કરે છે.
$(iii)$ અંતઃસ્તર (Endodermis): બાહ્યકનું સૌથી અંદરનું સ્તર,જે એક સ્તરીય અને પીપળાકાર મૃદુતકીય કોષોનું બનેલું હોય છે. આ કોષોમાં સ્ટાર્ચના કણો હોવાથી તેને સ્ટાર્ચ કણસ્તર (starch sheath) કહે છે.
$(3)$ રંભ (Stele): તેમાં પરિચક્ર,વાહીપુલ,મજ્જાકિરણો અને મજ્જાનો સમાવેશ થાય છે.
$(i)$ પરિચક્ર (Pericycle): અંતઃસ્તરની અંદર આવેલો ભાગ,જે દ્રઢોતક અને મૃદુતક કોષોનું બનેલું બહુસ્તરીય સ્તર છે. વાહીપુલની ઉપર આવેલા દ્રઢોતક કોષોના સમૂહને પુલ ટોપી (bundle cap) કહે છે.
$(ii)$ વાહીપુલ (Vascular Bundles): સૂર્યમુખીના પ્રકાંડમાં $20-25$ વાહીપુલ એક વલયમાં ગોઠવાયેલા હોય છે. દરેક વાહીપુલ સહસ્થ,વર્ધમાન (એધા ધરાવતા) અને અંતઃઆદિદારૂ (endarch) પ્રકારના હોય છે.