$DNA$ ની દ્વિ-કુંડલમય (double helix) રચનાનું વર્ણન કરો અને સમજાવો કે બીજી શૃંખલાના ક્રમની આગાહી કેવી રીતે કરી શકાય છે.

(N/A) બેઝ જોડી (base pairing) પોલીન્યુક્લિઓટાઈડ શૃંખલાઓને ખૂબ જ વિશિષ્ટ ગુણધર્મ આપે છે.
તેઓ એકબીજાના પૂરક (complementary) ગણાય છે અને તેથી જો એક શૃંખલામાં બેઝનો ક્રમ જાણીતો હોય,તો બીજી શૃંખલામાં ક્રમની આગાહી કરી શકાય છે.
વધુમાં,જો $DNA$ ની દરેક શૃંખલા નવી શૃંખલાના સંશ્લેષણ માટે ટેમ્પલેટ તરીકે કાર્ય કરે,તો ઉત્પન્ન થતા બે દ્વિ-શૃંખલામય $DNA$ (સંતતિ $DNA$) પિતૃ $DNA$ અણુને સમાન હોય છે. આ કારણે,$DNA$ ની રચનાની આનુવંશિક અસરો ખૂબ જ સ્પષ્ટ બને છે.
$DNA$ ની દ્વિ-કુંડલમય રચનાની મુખ્ય લાક્ષણિકતાઓ નીચે મુજબ છે:
$(i)$ તે બે પોલીન્યુક્લિઓટાઈડ શૃંખલાઓનું બનેલું છે જ્યાં આધાર (backbone) શર્કરા-ફોસ્ફેટ દ્વારા બનેલો છે અને બેઝ અંદરની તરફ ગોઠવાયેલા હોય છે.
$(ii)$ બંને શૃંખલાઓ પ્રતિ-સમાંતર (anti-parallel) ધ્રુવીયતા ધરાવે છે. તેનો અર્થ એ છે કે,જો એક શૃંખલા $5^{\prime} \rightarrow 3^{\prime}$ ધ્રુવીયતા ધરાવતી હોય,તો બીજી $3^{\prime} \rightarrow 5^{\prime}$ ધ્રુવીયતા ધરાવે છે.
$(iii)$ બે શૃંખલાઓમાં રહેલા બેઝ હાઇડ્રોજન બંધ ($H$-bonds) દ્વારા જોડાઈને બેઝ જોડી $[bp]$ બનાવે છે. એડેનાઈન $(A)$ સામેની શૃંખલાના થાઈમીન $(T)$ સાથે બે હાઇડ્રોજન બંધ બનાવે છે અને તેનાથી ઉલટું,જ્યારે ગ્વાનીન $(G)$ સાયટોસીન $(C)$ સાથે ત્રણ હાઇડ્રોજન બંધ બનાવે છે અને તેનાથી ઉલટું.