એક પ્રક્ષિપ્ત પદાર્થને સમક્ષિતિજ સાથે $\alpha$ ખૂણે $v_0$ વેગથી ઉપરની તરફ ફેંકવામાં આવે છે. જ્યારે તે સમાન સમક્ષિતિજ સમતલ પર અથડાય ત્યારે તેના વેગમાં થતો ફેરફાર કેટલો હશે?

એક કણ એવી રીતે ગતિ કરે છે કે તેના સ્થાન યામ $(x, y)$ સમય $t = 0$ પર $(2 \, m, 3 \, m)$,સમય $t = 2 \, s$ પર $(6 \, m, 7 \, m)$ અને $t = 5 \, s$ પર $(13 \, m, 14 \, m)$ છે. $t = 0$ થી $t = 5 \, s$ સુધીનો સરેરાશ વેગ સદિશ $\vec{v}_{av}$ શોધો.

એક કણનો પ્રારંભિક વેગ $(3\hat{i} + 4\hat{j})$ છે અને પ્રવેગ $(0.4\hat{i} + 0.3\hat{j})$ છે. $10\,s$ પછી તેની ઝડપ કેટલી હશે?

એક કણ $1 \, m$ ત્રિજ્યા ધરાવતા વર્તુળમાં એકવાર ફરે છે. આ માટે લાગતો સમય $10 \, s$ છે. ગતિનો સરેરાશ વેગ કેટલો હશે?

નીચેના વિધાનો ખરા છે કે ખોટાં તે જણાવો:
$(a)$ જો વર્તુળાકાર માર્ગ પર કોણીય વેગ અચળ હોય,તો રેખીય વેગ પણ અચળ હોય.
$(b)$ પ્રક્ષિપ્ત ગતિમાં,પ્રક્ષિપ્ત પદાર્થનો વેગ સદિશ હંમેશાં પ્રવેગ સદિશને લંબ હોય છે.
$(c)$ પ્રક્ષિપ્ત પદાર્થની મહત્તમ સમક્ષિતિજ અવધિ $R$ માટે,તેણે પ્રાપ્ત કરેલી મહત્તમ ઊંચાઈ $\frac{R}{4}$ છે.
$(d)$ જો $|\vec{A} \times \vec{B}| = AB$ હોય,તો $\vec{A}$ અને $\vec{B}$ વચ્ચેનો ખૂણો શૂન્ય હોય.

એક કણ ને $v$ વેગ સાથે એવી રીતે પ્રક્ષિપ્ત કરવામાં આવે છે કે જેથી સમક્ષિતિજ સમતલ પર તેની અવધિ (range) તેના દ્વારા પ્રાપ્ત કરેલી મહત્તમ ઊંચાઈ કરતા બમણી હોય. પ્રક્ષિપ્ત પદાર્થની અવધિ કેટલી હશે? ($g=$ ગુરુત્વાકર્ષણને કારણે પ્રવેગ)