એક પ્રકાશનું કિરણ સમબાજુ પ્રિઝમની એક સપાટી પર લંબરૂપે આપાત થાય છે અને બીજી સપાટી પરથી ઘસાઈને (grazingly) બહાર નીકળે છે. પ્રિઝમનો વક્રીભવનાંક કેટલો હશે?

વક્રીભવનાંક $\sqrt{2}$ અને વક્રીભૂત કોણ $A$ ધરાવતો એક પ્રિઝમ લઘુત્તમ વિચલન $D_m$ ઉત્પન્ન કરે છે. એક સપાટી પર $45^{\circ}$ ના આપાતકોણે આપાત થતું કિરણ લઘુત્તમ વિચલન અનુભવે છે. $A$ અને $D_m$ ના મૂલ્યો અનુક્રમે કેટલા હશે?

પ્રકાશનું એક કિરણ સમબાજુ કાચના પ્રિઝમમાંથી એવી રીતે પસાર થાય છે કે આપાતકોણ એ નિર્ગમનકોણ જેટલો છે અને આ દરેક ખૂણા પ્રિઝમના ખૂણાના $\frac{3}{4}$ જેટલા છે. વિચલનકોણ કેટલો હશે ($^{\circ}$ માં)?

એક પ્રિઝમના દ્રવ્યનો વક્રીભવનાંક $\sqrt{2}$ છે અને પ્રિઝમનો ખૂણો $30^{\circ}$ છે. પ્રિઝમની બે વક્રીભવનકારક સપાટીઓમાંથી એકને અંદરની તરફથી સિલ્વર કોટિંગ કરીને અરીસો બનાવવામાં આવે છે. બીજી સપાટીમાંથી પ્રિઝમમાં પ્રવેશતું એકરંગી પ્રકાશનું કિરણ (સિલ્વર કરેલી સપાટી પરથી પરાવર્તન પામ્યા પછી) તેના માર્ગે પાછું ફરે તે માટે પ્રિઝમ પર તેનો આપાતકોણ કેટલો હોવો જોઈએ ($^{\circ}$ માં)?

$\mu$ વક્રીભવનાંક અને $A$ ખૂણા ધરાવતા પ્રિઝમને લઘુત્તમ વિચલનની સ્થિતિમાં મૂકવામાં આવે છે. જો લઘુત્તમ વિચલનનો ખૂણો $A$ હોય,તો $\mu$ ના સંદર્ભમાં $A$ નું મૂલ્ય કેટલું થાય?

$n$ વક્રીભવનાંક ધરાવતા પ્રિઝમની બહાર નીકળતી સપાટી પર $n/2$ વક્રીભવનાંક ધરાવતા પદાર્થનું પડ ચડાવેલું છે. જ્યારે આ પ્રિઝમને લઘુત્તમ વિચલન કોણ માટે ગોઠવવામાં આવે છે,ત્યારે તે બરાબર ક્રાંતિકોણની શરતનું પાલન કરે છે. પ્રિઝમનો કોણ . . . . . . છે. ($^{\circ}$ માં)