$DNA$ ફિંગરપ્રિન્ટિંગના સિદ્ધાંતો વર્ણવો.

(N/A) $DNA$ અનુક્રમમાં જોવા મળતી બહુરૂપકતા (polymorphism) $DNA$ ફિંગરપ્રિન્ટિંગની સાથે હ્યુમન જીનોમના આનુવંશિક નકશા તૈયાર કરવામાં ઉપયોગી છે.
બહુરૂપકતા (આનુવંશિક સ્તરે વિવિધતા) વિકૃતિના કારણે ઉત્પન્ન થાય છે. કોઈ પણ વ્યક્તિમાં નવી વિકૃતિ તેના દૈહિક કોષો અથવા જનનકોષોમાં ઉદ્ભવી શકે છે.
જો જનનકોષોમાં થતી વિકૃતિ કોઈ વ્યક્તિની સંતાનોત્પત્તિ ક્ષમતાને ગંભીર રીતે પ્રભાવિત ન કરે,તો તે લિંગી પ્રજનન દ્વારા આગામી પેઢીમાં વહન પામે છે.
જો મનુષ્યની વસતિમાં $0.01$ થી વધુ આવૃત્તિમાં કોઈ એક સ્થાન પર એક કરતાં વધારે એલેલ (allele) હોય,તો આ એલેલિક અનુક્રમની વિભિન્નતાને $DNA$ બહુરૂપકતા કહે છે. બીજા શબ્દોમાં,જો કોઈ વારસાગત વિકૃતિ વસતિમાં ઊંચી આવૃત્તિથી જોવા મળે,તો તેને $DNA$ બહુરૂપકતા કહેવાય છે.
આ વિવિધતાની સંભાવના નોન-કોડિંગ $DNA$ અનુક્રમોમાં વધારે હોય છે,કારણ કે આ અનુક્રમોમાં થતી વિકૃતિ વ્યક્તિની પ્રજનન ક્ષમતા પર ત્વરિત અસર કરતી નથી.
આથી,આવી વિકૃતિઓ એક પેઢીમાંથી બીજી પેઢીમાં એકત્રિત થયા કરે છે,જેના પરિણામે બહુરૂપકતા ઉત્પન્ન થાય છે. આ વિવિધતા એક ન્યુક્લિઓટાઇડના ફેરફારથી લઈને મોટા પાયાના ફેરફારો સુધીની હોઈ શકે છે.