"સમાન વિદ્યુતક્ષેત્રમાં રહેલા વાહકના પોલા ભાગની અંદરનું વિદ્યુતક્ષેત્ર શૂન્ય હોય છે". સમજાવો.

(N/A) આકૃતિમાં દર્શાવ્યા મુજબ પોલાણ (cavity) ધરાવતા વાહકનો વિચાર કરો.
પોલાણની અંદર કોઈ વિદ્યુતભાર નથી.
પોલાણનું કદ અને આકાર ગમે તે હોય, જો પોલાણ ધરાવતા વાહકને બાહ્ય વિદ્યુતક્ષેત્રમાં મૂકવામાં આવે, તો પોલાણની અંદરનું વિદ્યુતક્ષેત્ર શૂન્ય રહે છે.
જો વાહક વિદ્યુતભારીત હોય અથવા બાહ્ય ક્ષેત્ર દ્વારા તટસ્થ વાહક પર વિદ્યુતભારો પ્રેરિત થાય, તો બધા જ વિદ્યુતભારો માત્ર વાહકની બહારની સપાટી પર જ રહે છે.
વાહકમાં રહેલું કોઈપણ પોલાણ બાહ્ય વિદ્યુત પ્રભાવથી સુરક્ષિત રહે છે. આ ઘટનાને સ્થિત-વિદ્યુત શીલ્ડિંગ (electrostatic shielding) કહેવામાં આવે છે.
ઉદાહરણ તરીકે, જ્યારે આપણે કારમાં હોઈએ અને આકાશમાં વીજળીના કડાકા થતા હોય, ત્યારે આપણે કારના તમામ દરવાજા બંધ કરી દેવા જોઈએ. જો વીજળી કાર પર પડે (અથવા જીવંત વીજળીનો તાર કાર પર પડે), તો કારની બહારની સપાટી પર સ્થિત-વિદ્યુત શીલ્ડિંગ રચાય છે અને આપણે કારની અંદર સુરક્ષિત રહીએ છીએ.