પર્ણ એટલે શું? પર્ણના મુખ્ય ભાગો જણાવો.

(N/A) $\rightarrow$ પર્ણ: પર્ણ એ પ્રકાંડ પર ઉદ્ભવતી પાર્શ્વિય,સામાન્ય રીતે ચપટી રચના છે. તે ગાંઠ (node) પર વિકાસ પામે છે અને તેના કક્ષમાં કલિકા ધરાવે છે.
$\rightarrow$ પર્ણો પ્રરોહાગ્ર વર્ધનશીલ પેશીમાંથી ઉદ્ભવે છે અને અગ્રાભિવર્ધી ક્રમમાં ગોઠવાયેલા હોય છે.
$\rightarrow$ તે પ્રકાશસંશ્લેષણ માટેના સૌથી મહત્વના વાનસ્પતિક અંગો છે.
$\rightarrow$ પર્ણના ભાગો: લાક્ષણિક પર્ણ ત્રણ મુખ્ય ભાગો ધરાવે છે: પર્ણતલ (leaf base),પર્ણદંડ (petiole) અને પર્ણફલક (lamina).
$\rightarrow$ ઉપપર્ણ (stipules): પર્ણ પર્ણતલ દ્વારા પ્રકાંડ સાથે જોડાયેલું હોય છે અને તે બે પાર્શ્વિય નાની પર્ણ જેવી રચનાઓ ધરાવી શકે છે જેને ઉપપર્ણ કહે છે.
$\rightarrow$ એકદળી વનસ્પતિઓમાં,પર્ણતલ ફૂલીને પ્રકાંડને આંશિક અથવા સંપૂર્ણ રીતે આવરી લેતી પર્ણતલ-પત્ર (sheath) બનાવે છે.
$\rightarrow$ પર્ણતલ-પલ્વિનસ: કેટલીક શિંબીકુળની વનસ્પતિઓમાં પર્ણતલ ફૂલેલું હોય છે,જેને પલ્વિનસ કહે છે.
$\rightarrow$ પર્ણદંડ: પર્ણદંડ પર્ણફલકને પ્રકાશમાં રાખવામાં મદદ કરે છે. લાંબા,પાતળા અને લવચીક પર્ણદંડ પર્ણફલકને પવનમાં હલનચલન કરવા દે છે,જેનાથી પર્ણ ઠંડું રહે છે અને પર્ણની સપાટી પર તાજી હવા મળે છે.
$\rightarrow$ પર્ણફલક: પર્ણફલક એ પર્ણનો લીલો અને વિસ્તૃત ભાગ છે જેમાં શિરાઓ અને શિરાિકાઓ હોય છે. સામાન્ય રીતે,તેમાં એક મધ્યમાં મુખ્ય શિરા હોય છે,જેને મધ્યશિરા કહે છે. શિરાઓ પર્ણફલકને મજબૂતી આપે છે અને પાણી,ખનિજો અને ખોરાકના વહન માટે માર્ગ તરીકે કાર્ય કરે છે.