અર્ધીકરણની પૂર્વાવસ્થા-$I$ (prophase-$I$) ના વિવિધ તબક્કાઓ કયા છે? દરેક તબક્કા દરમિયાન થતી રંગસૂત્રીય ઘટનાઓ વર્ણવો.

(N/A) $(i)$ લેપ્ટોટીન: આ અર્ધીકરણનો પ્રથમ તબક્કો છે. આ તબક્કા દરમિયાન રંગસૂત્રો ધીમે ધીમે દ્રશ્યમાન થાય છે. લેપ્ટોટીન દરમિયાન રંગસૂત્રોનું સંઘનન ચાલુ રહે છે.
$\Rightarrow$ દરેક રંગસૂત્ર બે રંગસૂત્રિકાઓ (chromatids) અને સેન્ટ્રોમિયરનું બનેલું હોય છે,પરંતુ તે એકબીજા સાથે ગૂંચવાયેલા હોવાથી તેમનું દ્વિ સ્વરૂપ સ્પષ્ટ દેખાતું નથી.
$(ii)$ ઝાયગોટીન: આ તબક્કા દરમિયાન,રંગસૂત્રોની જોડ બનવાની શરૂઆત થાય છે,જેને સાયનેપ્સિસ (synapsis) કહેવામાં આવે છે. આવી જોડાયેલી રંગસૂત્રોની જોડીને એકસૂત્રી અથવા બાયવેલેન્ટ (bivalent) કહેવાય છે.
$(iii)$ પેકીટીન: આ તબક્કા દરમિયાન બાયવેલેન્ટ રંગસૂત્રો સ્પષ્ટપણે ટેટ્રાડ (tetrad) તરીકે દેખાય છે. આ તબક્કો રિકોમ્બિનેશન નોડ્યુલ્સની હાજરી દ્વારા ઓળખાય છે.
$\Rightarrow$ સમજાત રંગસૂત્રોની અ-બહેન રંગસૂત્રિકાઓ (non-sister chromatids) વચ્ચે વ્યતિકરણ (crossing over) થાય છે,જે રિકોમ્બિનેઝ ઉત્સેચક દ્વારા થતી પ્રક્રિયા છે.
$\Rightarrow$ વ્યતિકરણને કારણે જનીનિક દ્રવ્યનું પુનઃસંયોજન થાય છે.
$(iv)$ ડીપ્લોટીન: ડીપ્લોટીનની શરૂઆત સાયનેપ્ટોનેમલ કોમ્પ્લેક્સના વિઘટન દ્વારા થાય છે. વ્યતિકરણના સ્થાનો સિવાય સમજાત રંગસૂત્રો એકબીજાથી અલગ થવા લાગે છે.
$\Rightarrow$ આ $X$-આકારની રચનાઓને કાયઝમેટા (chiasmata) કહેવામાં આવે છે.
$(v)$ ડાયાકીનેસિસ: આ અર્ધીકરણની પૂર્વાવસ્થા-$I$ નો અંતિમ તબક્કો છે. કાયઝમેટાનું અંતિમકરણ થાય છે અને રંગસૂત્રો સંપૂર્ણપણે સંઘનિત થાય છે. કોષકેન્દ્રિકા અદ્રશ્ય થાય છે અને કોષકેન્દ્રપટલ તૂટી જાય છે.