સમાન કદના પરંતુ અલગ-અલગ પદાર્થો (રબર અને લોખંડ) ના બે દડાને ગતિ કરતી ટ્રેનના લીસા ભોંયતળિયા પર રાખવામાં આવ્યા છે. ટ્રેનને રોકવા માટે અચાનક બ્રેક લગાવવામાં આવે છે. શું દડા ગબડવાનું શરૂ કરશે? જો હા,તો કઈ દિશામાં? શું તેઓ સમાન ઝડપથી ગતિ કરશે? તમારા જવાબ માટે કારણો આપો.

ન્યુટનનો ગતિનો બીજો નિયમ આપણને શેનું માપ આપે છે?

$10 \, kg$ દળ ધરાવતો ડમ્બેલ જો $0.8 \, m$ ની ઊંચાઈ પરથી નીચે પડે,તો તે જમીન પર કેટલું વેગમાન સ્થાનાંતરિત કરશે? ગુરુત્વપ્રવેગ $10 \, m s^{-2}$ લો.

હાઈ જમ્પની રમતમાં,ખેલાડીઓને ગાદીવાળા પલંગ (cushioned bed) પર પડવા દેવામાં આવે છે. શા માટે?

$(a)$ પદાર્થના વેગમાનની વ્યાખ્યા આપો.
$(b)$ એક દડાને શિરોલંબ ઉપરની તરફ ફેંકવામાં આવે છે. તેના મહત્તમ ઊંચાઈના બિંદુએ તેનું વેગમાન કેટલું હશે?
$(c)$ વેગમાન સંરક્ષણનો નિયમ જણાવો.

અમર, જાવેદ અને રીટા હાઈવે પર ખૂબ જ ઝડપથી જતી બસમાં મુસાફરી કરી રહ્યા હતા, ત્યારે એક જીવડું વિન્ડશિલ્ડ સાથે અથડાયું અને તેનું મૃત શરીર વિન્ડસ્ક્રીન પર ચોંટી ગયું. અમર અને જાવેદે આ પરિસ્થિતિ વિશે ચર્ચા કરવાનું શરૂ કર્યું. અમરે સૂચવ્યું કે જીવડાના વેગમાનમાં થતો ફેરફાર બસના વેગમાનમાં થતા ફેરફાર કરતા ઘણો વધારે છે. અમરના મતે, બસના વેગમાં કોઈ નોંધપાત્ર ફેરફાર જોવા મળ્યો નથી, જ્યારે જીવડાના વેગમાં સ્પષ્ટ ફેરફાર જોવા મળ્યો છે. જાવેદનું માનવું હતું કે બસ વધુ વેગથી ગતિ કરી રહી હતી, તેથી તેણે જીવડા પર વધુ બળ લગાડ્યું, જેના પરિણામે તે મૃત્યુ પામ્યું. રીટાએ આ વાત સાથે સંપૂર્ણ અસંમતિ દર્શાવી અને દલીલ કરી કે જીવડા અને બસ બંનેએ સમાન બળ અનુભવ્યું અને તેમના વેગમાનમાં સમાન ફેરફાર થયો. તમે કોની સાથે સહમત છો? તમારા જવાબનું સમર્થન કરો.