તે નિયમનું નામ આપો જે જણાવે છે કે વસ્તીમાં એલીલિક આવૃત્તિઓનો સરવાળો અચળ રહે છે. આ મૂલ્યોને અસર કરતા પાંચ પરિબળો કયા છે?

(N/A) $Hardy-Weinberg$ નો સિદ્ધાંત જણાવે છે કે વસ્તીમાં એલીલિક આવૃત્તિઓનો સરવાળો અચળ રહે છે.
$Hardy-Weinberg$ સંતુલનને અસર કરતા પાંચ પરિબળો નીચે મુજબ છે:
$(i)$ જનીન સ્થળાંતર અથવા જનીન પ્રવાહ: જ્યારે વસ્તીનો એક ભાગ બીજી જગ્યાએ સ્થળાંતર કરે છે,ત્યારે મૂળ વસ્તી તેમજ નવી વસ્તીમાં જનીન આવૃત્તિઓ બદલાય છે. નવા જનીનો/એલીલ્સ નવી વસ્તીમાં ઉમેરાય છે અને જૂની વસ્તીમાંથી તે દૂર થાય છે.
$(ii)$ જનીનિક વિચલન $(Genetic drift)$: તે અમુક લક્ષણોના જનીનોના નાબૂદ થવાને સંદર્ભે છે,જે ત્યારે થાય છે જ્યારે વસ્તીનો એક ભાગ સ્થળાંતર કરે છે અથવા કુદરતી આફતને કારણે મૃત્યુ પામે છે.
$(iii)$ ઉત્પરિવર્તન $(Mutation)$: જનીનમાં થતો અચાનક વારસાગત ફેરફાર જે વ્યક્તિના જનીનિક બંધારણમાં ફેરફાર કરે છે.
$(iv)$ જનીનિક પુનઃસંયોજન $(Genetic recombination)$: તે જન્યુ નિર્માણ દરમિયાન થાય છે જ્યારે રંગસૂત્રો પિતૃઓમાંથી સંતતિમાં જાય છે.
$(v)$ પ્રાકૃતિક પસંદગી $(Natural selection)$: આ એક એવી ઘટના છે જેના દ્વારા વસ્તીના એવા સભ્યો કે જેમનામાં એવા લક્ષણો હોય છે જે તેમને વધુ દરે વૃદ્ધિ અને પ્રજનન કરવામાં સક્ષમ બનાવે છે,તેમને પસંદ કરવામાં આવે છે.