વૈજ્ઞાનિક કારણો આપો:
$(1)$ વનસ્પતિ કોષમાં રસસંકોચન (Plasmolysis) શક્ય છે જ્યારે પ્રાણી કોષમાં તે શક્ય નથી.
$(2)$ ચોમાસામાં ઘરના દરવાજા અને બારીઓ ફૂલી જાય છે.

(N/A) $(1)$ જ્યારે વનસ્પતિ કોષ અને પ્રાણી કોષ બંનેને અતિસાંદ્ર (Hypertonic) દ્રાવણમાં મૂકવામાં આવે છે,ત્યારે બહિઃઆસૃતિ (Exoosmosis) થાય છે. વનસ્પતિ કોષમાં કોષદીવાલ હોવાથી,કોષરસ સંકોચાઈને કોષદીવાલથી અલગ થઈ જાય છે,જેને રસસંકોચન કહેવાય છે. જોકે,પ્રાણી કોષમાં કોષદીવાલનો અભાવ હોય છે,તેથી પાણી બહાર નીકળતા આખો કોષ જ સંકોચાઈ જાય છે અને અંતે કોષ મૃત્યુ પામે છે. આમ,કોષદીવાલની હાજરીને કારણે રસસંકોચન માત્ર વનસ્પતિ કોષમાં જ જોવા મળે છે.
$(2)$ લાકડું એ એક કલીલમય (Colloidal) પદાર્થ છે જે આસપાસના વાતાવરણમાંથી મોટા પ્રમાણમાં પાણીનું શોષણ કરે છે,જેને અંતઃચૂષણ (Imbibition) કહેવાય છે. ચોમાસા દરમિયાન હવામાં ભેજનું પ્રમાણ વધવાથી લાકડું ભેજનું શોષણ કરે છે,જેના પરિણામે દરવાજા અને બારીઓ ફૂલી જાય છે.