હરિતકણ (Chloroplast) ની રચના સમજાવો.

(N/A) હરિતકણ એ બેવડી પટલીય અંગિકા છે. તેની રચના નીચે મુજબના ઘટકોની બનેલી છે:
$1$. પટલીય તંત્ર: તેમાં ગ્રાના,સ્ટ્રોમા લેમેલી અને પ્રવાહી સ્ટ્રોમાનો સમાવેશ થાય છે. પટલીય તંત્ર પ્રકાશ ઉર્જાને પકડવા અને $ATP$ તથા $NADPH$ ના સંશ્લેષણ માટે જવાબદાર છે.
$2$. સ્ટ્રોમા: સ્ટ્રોમા એ પ્રવાહીથી ભરેલું આધારક છે જ્યાં ઉત્સેચકીય પ્રક્રિયાઓ થાય છે. આ પ્રક્રિયાઓ વનસ્પતિમાં $CO_{2}$ નો ઉપયોગ કરીને શર્કરાનું સંશ્લેષણ કરે છે,જે પાછળથી સ્ટાર્ચ તરીકે સંગ્રહિત થાય છે.
$3$. કાર્યનું વિભાજન: હરિતકણમાં કાર્યનું સ્પષ્ટ વિભાજન જોવા મળે છે.
- પ્રકાશ પ્રક્રિયાઓ: પટલીય તંત્રમાં થતી પ્રક્રિયાઓ સીધી પ્રકાશ પર આધારિત હોય છે,જેને પ્રકાશ પ્રક્રિયાઓ કહેવાય છે.
- અંધકાર પ્રક્રિયાઓ: સ્ટ્રોમામાં થતી પ્રક્રિયાઓ સીધી પ્રકાશ પર આધારિત નથી,પરંતુ પ્રકાશ પ્રક્રિયાઓની નીપજો ($ATP$ અને $NADPH$) પર આધાર રાખે છે. પ્રણાલીગત રીતે તેને અંધકાર પ્રક્રિયાઓ કહેવામાં આવે છે,પરંતુ તેનો અર્થ એ નથી કે તે અંધારામાં થાય છે અથવા તે પ્રકાશ પર આધારિત નથી.