મુખગુહામાં પાચનની પ્રક્રિયા સમજાવો અને દાંતની ગોઠવણી વિશે નોંધ લખો.

(N/A) કાર્બોદિતોનું પાચન મુખમાં શરૂ થાય છે,જ્યાં ખોરાક લાળ સાથે ભળે છે.
આ પ્રક્રિયા ખોરાકને નરમ અને ભીનો બનાવે છે. ચાવવાની પ્રક્રિયાને કારણે ખોરાકના ઘટકો નાના ટુકડાઓમાં વિભાજિત થાય છે.
લાળમાં લાળીય એમાયલેઝ (salivary amylase) નામનો ઉત્સેચક હોય છે. આ ઉત્સેચક સ્ટાર્ચનું માલ્ટોઝ,આઈસોમાલ્ટોઝ અને $\alpha$-ડેક્સટ્રિનમાં રૂપાંતર કરે છે. ખોરાકનો આશરે $30\%$ સ્ટાર્ચ મુખમાં જળવિભાજિત થાય છે.
$\text{સ્ટાર્ચ} \xrightarrow{\text{લાળીય એમાયલેઝ}} \text{માલ્ટોઝ} + \text{આઈસોમાલ્ટોઝ} + \alpha\text{-ડેક્સટ્રિન}$
લાળમાં પ્રોટીન કે ચરબીના પાચન માટે કોઈ ઉત્સેચક હોતા નથી,તેથી તેમનું પાચન મુખમાં થતું નથી.
મુખમાં,દાંત જડબાના હાડકાના ખાડામાં ગોઠવાયેલા હોય છે. દાંતની આ પ્રકારની ગોઠવણીને 'થીકોડોન્ટ' (thecodont) કહેવામાં આવે છે.
દરેક જડબાના અડધા ભાગમાં $2, 1, 2, 3$ ના ક્રમમાં ચાર પ્રકારના દાંત ગોઠવાયેલા હોય છે. જે અનુક્રમે છેદક,રાક્ષી,અગ્રદાઢ અને દાઢ છે. તેઓ નીચે મુજબનું દંતસૂત્ર બનાવે છે: $\frac{2123}{2123}$.