આકૃતિની મદદથી એવોગેડ્રોનો નિયમ સમજાવો.

(N/A) $1811$ માં,એવોગેડ્રોએ પ્રસ્તાવ મૂક્યો કે સમાન તાપમાન અને દબાણે વાયુઓના સમાન કદમાં અણુઓની સંખ્યા સમાન હોવી જોઈએ.
એવોગેડ્રોએ પરમાણુઓ અને અણુઓ વચ્ચે તફાવત સ્પષ્ટ કર્યો,જે આધુનિક સમયમાં સારી રીતે સમજાય છે.
જો આપણે પાણી બનાવવા માટે હાઇડ્રોજન અને ઓક્સિજનની પ્રતિક્રિયાને ધ્યાનમાં લઈએ,તો આપણે જોઈએ છીએ કે હાઇડ્રોજનના બે કદ ઓક્સિજનના એક કદ સાથે જોડાઈને પાણીની વરાળના બે કદ આપે છે,જેમાં કોઈ વધારાનો ઓક્સિજન બાકી રહેતો નથી.
આકૃતિમાં,દરેક બોક્સમાં અણુઓની સંખ્યા સમાન છે. એવોગેડ્રોએ આ પરિણામને અણુઓને બહુપરમાણ્વીય ગણીને સમજાવ્યું હતું. ખાસ કરીને,તેમણે પ્રસ્તાવ મૂક્યો કે હાઇડ્રોજન અને ઓક્સિજન દ્વિપરમાણ્વીય અણુઓ તરીકે અસ્તિત્વ ધરાવે છે.
તે સમયે,ડાલ્ટન અને અન્ય લોકો માનતા હતા કે સમાન પ્રકારના પરમાણુઓ જોડાઈ શકતા નથી,અને તેથી બે પરમાણુઓ ધરાવતા ઓક્સિજન કે હાઇડ્રોજનના અણુઓ અસ્તિત્વમાં નથી. જોકે,એવોગેડ્રોની ઉત્કલ્પનાએ પ્રાયોગિક અવલોકનોને સફળતાપૂર્વક સમજાવ્યા.