આકૃતિ સાથે મૂળના પ્રદેશો સમજાવો.

(N/A) મૂળની ટોચને કેટલાક સ્પષ્ટ પ્રદેશોમાં વહેંચવામાં આવે છે:
$\rightarrow$ મૂળટોપ (Root Cap): મૂળની ટોચ એક ટોપી જેવી રચના દ્વારા આવરિત હોય છે જેને મૂળટોપ કહે છે. તે મૂળની કુમળી ટોચને જમીનમાં આગળ વધતી વખતે રક્ષણ આપે છે.
$\rightarrow$ વર્ધનશીલ ક્રિયાશીલતાનો પ્રદેશ (Region of Meristematic Activity): આ પ્રદેશના કોષો ખૂબ જ નાના,પાતળી કોષદીવાલ ધરાવતા અને ઘટ્ટ જીવરસ ધરાવતા હોય છે. તેઓ વારંવાર વિભાજન પામે છે.
$\rightarrow$ વિસ્તરણ પ્રદેશ (Region of Elongation): વર્ધનશીલ પ્રદેશની નજીકના કોષો ઝડપથી લંબાઈ અને કદમાં વધારો પામે છે અને મૂળની લંબાઈમાં વૃદ્ધિ માટે જવાબદાર છે.
$\rightarrow$ પરિપક્વન પ્રદેશ (Region of Maturation): વિસ્તરણ પ્રદેશના કોષો ક્રમશઃ વિભેદન પામીને પરિપક્વ બને છે. વિસ્તરણ પ્રદેશની નજીકના આ વિસ્તારને પરિપક્વન પ્રદેશ કહે છે. આ પ્રદેશમાં કેટલાક અધિસ્તરીય કોષો ખૂબ જ ઝીણી અને નાજુક,દોરી જેવી રચનાઓ બનાવે છે જેને મૂળરોમ (Root hairs) કહે છે.