સંક્રાંતિ તત્વોના ચુંબકીય ગુણધર્મોની ચર્ચા કરો.

(N/A) ચુંબકીય ક્ષેત્રની હાજરીમાં,સંક્રાંતિ તત્વો માટે બે પ્રકારના ચુંબકીય વર્તન જોવા મળે છે: $(i)$ અનુચુંબકત્વ અને $(ii)$ પ્રતિચુંબકત્વ. અનુચુંબકીય પદાર્થો ચુંબકીય ક્ષેત્ર દ્વારા આકર્ષાય છે જ્યારે પ્રતિચુંબકીય પદાર્થો ચુંબકીય ક્ષેત્ર દ્વારા અપાકર્ષાય છે.
લોહચુંબકત્વ એ અનુચુંબકત્વનું એક અત્યંત સ્વરૂપ છે જ્યાં પદાર્થ ચુંબકીય ક્ષેત્ર દ્વારા ખૂબ જ મજબૂત રીતે આકર્ષાય છે. અનુચુંબકત્વ $(n-1)d$-કક્ષકોમાં અયુગ્મિત ઇલેક્ટ્રોનની હાજરીને કારણે ઉદભવે છે,જેમાં દરેક ઇલેક્ટ્રોન તેની સ્પિન તેમજ કક્ષીય ગતિ સાથે સંકળાયેલ ચુંબકીય ચાકમાત્રા ધરાવે છે. મોટાભાગના સંક્રાંતિ તત્વો માટે,કક્ષીય યોગદાન બહુ મહત્વનું નથી.
ચુંબકીય ચાકમાત્રા સંક્રાંતિ ધાતુ આયનોના અનુચુંબકીય વર્તનને વ્યક્ત કરે છે અને "સ્પિન-ઓન્લી" સૂત્ર $\mu = \sqrt{n(n+2)} \ BM$ નો ઉપયોગ કરીને ગણવામાં આવે છે,જ્યાં:
$n =$ $(n-1)d$-કક્ષકોમાં અયુગ્મિત ઇલેક્ટ્રોનની સંખ્યા
$\mu =$ બોહર મેગ્નેટોન $(BM)$ માં ચુંબકીય ચાકમાત્રા
(કોષ્ટક માટે અંગ્રેજી સંસ્કરણ જુઓ)
ચુંબકીય ચાકમાત્રા અયુગ્મિત ઇલેક્ટ્રોનની સંખ્યામાં વધારા સાથે વધે છે. જો ચુંબકીય ચાકમાત્રા શૂન્ય હોય,તો પદાર્થ પ્રતિચુંબકીય છે અને ચુંબકીય ક્ષેત્ર દ્વારા અપાકર્ષાય છે.