વિભેદન (Differentiation) ની વ્યાખ્યા આપો. તેમજ નિર્વિભેદન (Dedifferentiation) અને પુનઃવિભેદન (Redifferentiation) વચ્ચેનો તફાવત સમજાવો.

(N/A) વિભેદન: આ એક એવી પ્રક્રિયા છે જેમાં મૂળ અને પ્રરોહના અગ્રસ્થ વર્ધનશીલ પેશી,એધા અથવા અન્ય વર્ધનશીલ પેશીઓમાંથી ઉદ્ભવેલા કોષો પરિપક્વ બનીને ચોક્કસ કાર્યો કરવા માટે રચનાત્મક અને કાર્યાત્મક ફેરફારોમાંથી પસાર થાય છે. ઉદાહરણ તરીકે,કોષો જલવાહક ઘટકો બનાવવા માટે તેમનું જીવરસ ગુમાવે છે અને પાણીના લાંબા અંતર સુધી વહન માટે મજબૂત,સ્થિતિસ્થાપક,લિગ્નોસેલ્યુલોઝિક દ્વિતીય કોષદીવાલ વિકસાવે છે.
નિર્વિભેદન (Dedifferentiation): આ એક એવી ઘટના છે જેમાં જીવંત વિભેદિત કોષો ચોક્કસ પરિસ્થિતિઓમાં ફરીથી સમભાજન દ્વારા વિભાજન પામવાની ક્ષમતા પ્રાપ્ત કરે છે. આ કોષો વર્ધનશીલ પેશી તરીકે કાર્ય કરે છે. ઉદાહરણ તરીકે,સંપૂર્ણ વિભેદિત મૃદુતક કોષોમાંથી આંતરપુલિય એધા અને ત્વક્ષૈધાનું નિર્માણ.
પુનઃવિભેદન (Redifferentiation): જ્યારે નિર્વિભેદિત કોષો અથવા પેશીઓની નીપજો ફરીથી વિભાજન પામવાની ક્ષમતા ગુમાવે છે અને ચોક્કસ કાર્યો કરવા માટે પરિપક્વ બને છે,ત્યારે તેને પુનઃવિભેદન કહેવામાં આવે છે. ઉદાહરણ તરીકે,ત્વક્ષૈધામાંથી દ્વિતીય બાહ્યક અને ત્વક્ષાનુ નિર્માણ.