પ્રવેગની વ્યાખ્યા આપો. પ્રવેગી ગતિ માટે $u, v, a$ અને $t$ ને જોડતો સંબંધ જણાવો. સમાન પ્રવેગી ગતિનું એક ઉદાહરણ આપો.

$40 \, m s^{-1}$ ની ઝડપે મુસાફરી કરતી ટ્રેનના ડ્રાઈવરે સ્ટેશનમાં પ્રવેશતી વખતે બ્રેક લગાવી. ટ્રેન $2 \, m s^{-2}$ ના દરે ધીમી પડે છે. પ્લેટફોર્મ $400 \, m$ લાંબું છે. શું ટ્રેન સમયસર ઉભી રહેશે?

એક સ્કૂટર સ્થિર સ્થિતિમાંથી શરૂ કરીને અચળ પ્રવેગ સાથે સીધી રેખામાં ગતિ કરે છે અને $4 \, s$ માં $64 \, m$ અંતર કાપે છે.
$(i)$ તેનો પ્રવેગ અને અંતિમ વેગની ગણતરી કરો.
$(ii)$ સ્કૂટરે કુલ અંતરનું અડધું અંતર કેટલા સમયે કાપ્યું હશે?

એક લાંબી દોડની સ્પર્ધામાં,રમતવીરોએ ટ્રેકના ચાર ચક્કર લગાવવાના હતા જેથી ફિનિશ લાઇન અને સ્ટાર્ટ લાઇન એક જ હોય. ધારો કે ટ્રેકની લંબાઈ $200 \ m$ છે.
$(a)$ રમતવીરો દ્વારા કાપવામાં આવેલું કુલ અંતર કેટલું છે?
$(b)$ જ્યારે રમતવીરો ફિનિશ લાઇનને સ્પર્શે છે ત્યારે તેમનું સ્થાનાંતર કેટલું હોય છે?
$(c)$ રમતવીરોની ગતિ નિયમિત છે કે અનિયમિત?
$(d)$ શું દોડના અંતે રમતવીરનું સ્થાનાંતર અને તેણે કાપેલું અંતર સમાન છે?

સ્થાન-સમયના આલેખ પરની રેખાનો ઢાળ પદાર્થના વેગ વિશેની માહિતી આપે છે. જો આલેખ નીચે મુજબ હોય,તો તમે પદાર્થની ગતિ વિશે શું નિષ્કર્ષ કાઢી શકો?
$(i)$ આડી રેખા.
$(ii)$ સીધી ત્રાસી રેખા.
$(iii)$ વક્ર રેખા.

નીચેનામાંથી કઈ પરિસ્થિતિઓ શક્ય છે તે જણાવો અને દરેકનું એક ઉદાહરણ આપો:
$(a)$ અચળ પ્રવેગ સાથે ગતિ કરતી પરંતુ શૂન્ય વેગ ધરાવતી વસ્તુ.
$(b)$ સમક્ષિતિજ દિશામાં ગતિ કરતી વસ્તુ જેનો પ્રવેગ શિરોલંબ દિશામાં હોય.
$(c)$ અચળ ઝડપ સાથે પ્રવેગી ગતિ કરતી વસ્તુ.