લંબાઈ $L$ ધરાવતો એક પાતળો તાંબાનો તાર જ્યારે તાપમાન $T_1$ થી $T_2$ સુધી ગરમ કરવામાં આવે છે ત્યારે તેની લંબાઈમાં $1\%$ નો વધારો થાય છે. જ્યારે $2L \times L$ પરિમાણ ધરાવતી પાતળી તાંબાની પ્લેટને $T_1$ થી $T_2$ સુધી ગરમ કરવામાં આવે ત્યારે તેના ક્ષેત્રફળમાં થતો ટકાવારી ફેરફાર કેટલો હશે?

બે સળિયા,એક એલ્યુમિનિયમનો અને બીજો સ્ટીલનો,જેમની પ્રારંભિક લંબાઈ $l_1$ અને $l_2$ છે,તેમને જોડીને $l_1 + l_2$ લંબાઈનો એક સળિયો બનાવવામાં આવે છે. એલ્યુમિનિયમ અને સ્ટીલ માટે રેખીય પ્રસરણાંક અનુક્રમે $\alpha_a$ અને $\alpha_s$ છે. જો તાપમાનમાં $t ^\circ C$ નો વધારો કરવામાં આવે ત્યારે દરેક સળિયાની લંબાઈમાં સમાન વધારો થતો હોય,તો $\frac{l_1}{l_1 + l_2}$ ગુણોત્તર શોધો.

જો ધાતુના બ્લોકને $20\,^{\circ}C$ તાપમાને ગરમ કરવામાં આવે ત્યારે તેના કદમાં $0.12\%$ નો ફેરફાર થાય,તો ધાતુનો રેખીય પ્રસરણાંક ($^{\circ}C^{-1}$ માં) કેટલો હશે?

થર્મોસ્ટેટમાં બે ધાતુની પટ્ટીઓનો ઉપયોગ થાય છે, જેમના ............ અલગ હોય છે.

$50 \,cm$ લંબાઈ અને $3.0 \,mm$ વ્યાસ ધરાવતો એક સમાન તાંબાનો સળિયો $20^{\circ} C$ તાપમાને ઘર્ષણરહિત સમક્ષિતિજ સપાટી પર રાખેલ છે. તાંબાનો રેખીય પ્રસરણાંક $2.0 \times 10^{-5} \,K^{-1}$ અને યંગ મોડ્યુલસ $1.2 \times 10^{11} \,N/m^2$ છે. જો તાંબાના સળિયાને $100^{\circ} C$ સુધી ગરમ કરવામાં આવે,તો સળિયામાં ઉદ્ભવતું તણાવ .......... $\times 10^3 \,N$ હશે.

$1 \; m$ લાંબી સ્ટીલની પટ્ટી $27.0 \; ^{\circ}C$ તાપમાન માટે યોગ્ય રીતે અંકિત કરેલી છે. જ્યારે તાપમાન $45.0 \; ^{\circ}C$ હોય ત્યારે ગરમ દિવસે આ પટ્ટી દ્વારા માપવામાં આવેલ સ્ટીલના સળિયાની લંબાઈ $63.0 \; cm$ માલૂમ પડે છે. તે દિવસે સ્ટીલના સળિયાની વાસ્તવિક લંબાઈ કેટલી હશે? જ્યારે તાપમાન $27.0 \; ^{\circ}C$ હોય ત્યારે તે જ સ્ટીલના સળિયાની લંબાઈ કેટલી હશે? (સ્ટીલનો રેખીય પ્રસરણાંક $\alpha = 1.20 \times 10^{-5} \; K^{-1}$)