એક માણસ $3$ માંથી $2$ વખત સાચું બોલે છે. તે ગણ $S=\{1, 2, 3, 4, 5, 6, 7\}$ માંથી એક પ્રાકૃતિક સંખ્યા પસંદ કરે છે અને જણાવે છે કે તે બેકી સંખ્યા છે. તે ખરેખર બેકી સંખ્યા હોવાની સંભાવના કેટલી છે?

એક પત્ર $LONDON$ અથવા $CLIFTON$ માંથી આવ્યો હોવાનું જાણીતું છે; પોસ્ટમાર્ક પર માત્ર બે ક્રમિક અક્ષરો $ON$ વાંચી શકાય છે. તે $LONDON$ માંથી આવ્યો હોવાની સંભાવના કેટલી છે?

પેટી $A$ માં $2$ કાળા અને $3$ લાલ દડા છે,જ્યારે પેટી $B$ માં $3$ કાળા અને $4$ લાલ દડા છે. આ બે પેટીઓમાંથી એકને યાદચ્છિક રીતે પસંદ કરવામાં આવે છે; અને પેટી $A$ પસંદ કરવાની સંભાવના પેટી $B$ કરતા બમણી છે. જો પસંદ કરેલી પેટીમાંથી એક લાલ દડો કાઢવામાં આવે,તો તે પેટી $B$ માંથી આવ્યો હોય તેની સંભાવના કેટલી છે?

$52$ પત્તાંની રમતમાં એક પત્તું ખોવાયેલું છે. જો બાકીના પત્તાંમાંથી એકસાથે બે પત્તાં યાદચ્છિક રીતે ખેંચવામાં આવે અને તે બંને કાળીના (spades) માલૂમ પડે,તો ખોવાયેલું પત્તું કાળીનું ન હોય તેની સંભાવના કેટલી?

ત્રણ સમાન થેલીઓ આપેલી છે,જેમાં દરેક $10$ દડા છે,જેના રંગો નીચે મુજબ છે:

	લાલ	વાદળી	લીલો
થેલી $I$	$3$	$2$	$5$
થેલી $II$	$4$	$3$	$3$
થેલી $III$	$5$	$1$	$4$

એક વ્યક્તિ યાદચ્છિક રીતે એક થેલી પસંદ કરે છે અને એક દડો બહાર કાઢે છે. જો દડો લાલ હોય,તો તે થેલી $I$ માંથી હોય તેની સંભાવના $p$ છે અને જો દડો લીલો હોય,તો તે થેલી $III$ માંથી હોય તેની સંભાવના $q$ છે,તો $\left(\frac{1}{p}+\frac{1}{q}\right)$ નું મૂલ્ય શોધો.

એક શાળામાં $3$ વિભાગો $A, B$ અને $C$ છે. વિભાગ $A$ માં $20$ છોકરીઓ અને $30$ છોકરાઓ છે,વિભાગ $B$ માં $40$ છોકરીઓ અને $20$ છોકરાઓ છે અને વિભાગ $C$ માં $10$ છોકરીઓ અને $30$ છોકરાઓ છે. વિભાગ $A, B$ અને $C$ પસંદ કરવાની સંભાવનાઓ અનુક્રમે $0.2, 0.3$ અને $0.5$ છે. જો શાળામાંથી યાદચ્છિક રીતે પસંદ કરેલ વિદ્યાર્થી એક છોકરી હોય,તો તે વિભાગ $A$ ની હોય તેની સંભાવના કેટલી?