ધાતુઓના વિદ્યુતવિભાજનીય શુદ્ધીકરણ વિશે સમજાવો.

(N/A) પદ્ધતિ: આ પદ્ધતિમાં અશુદ્ધ ધાતુને ઍનોડ તરીકે લેવામાં આવે છે. તે જ ધાતુની શુદ્ધ પટ્ટીને કૅથોડ તરીકે વાપરવામાં આવે છે. તેમને તે જ ધાતુના દ્રાવ્ય ક્ષાર ધરાવતા વિદ્યુતવિભાજ્ય દ્રાવણમાં મૂકવામાં આવે છે. વધુ બેઝિક ધાતુ દ્રાવણમાં રહી જાય છે અને ઓછી બેઝિક ધાતુ ઍનોડ પંક તરીકે નીચે બેસી જાય છે.
આ પ્રક્રમને વિદ્યુતધ્રુવ પોટન્શિયલ,અધિવોલ્ટતા અને ગિબ્સ-ઊર્જાની સંકલ્પનાના આધારે સમજાવી શકાય છે.
પ્રક્રિયા:
ઍનોડ: $M \rightarrow M^{n+} + n e^-$
કૅથોડ: $M^{n+} + n e^- \rightarrow M$
કૉપરનું શુદ્ધીકરણ આ વિદ્યુતવિભાજનીય પદ્ધતિનો ઉપયોગ કરીને કરવામાં આવે છે.
ઍનોડ અશુદ્ધ કૉપરનો હોય છે. શુદ્ધ કૉપરની પટ્ટી કૅથોડ તરીકે લેવામાં આવે છે.
વિદ્યુતવિભાજ્ય કૉપર સલ્ફેટનું ઍસિડિક દ્રાવણ હોય છે અને વિદ્યુતવિભાજનનું ચોખ્ખું $(net)$ પરિણામ કૉપરનું ઍનોડમાંથી કૅથોડમાં શુદ્ધ કૉપર તરીકે સ્થાનાંતરણ છે.
ઍનોડ: $Cu \rightarrow Cu^{2+} + 2e^-$
કૅથોડ: $Cu^{2+} + 2e^- \rightarrow Cu$
ફોલ્લાવાળા તાંબામાંથી અશુદ્ધિઓ ઍનોડ પંક તરીકે નિક્ષેપિત થાય છે,જેમાં એન્ટિમની,સેલેનિયમ,ટેલુરિયમ,સિલ્વર,ગોલ્ડ અને પ્લેટિનમ હોય છે. આ તત્ત્વોની પુનઃપ્રાપ્તિ $(recovery)$ શુદ્ધીકરણનો ખર્ચ સરભર કરી શકે છે.