નશાકારક પદાર્થો વિશે માહિતી આપો.

(N/A) આંકડાકીય સર્વેક્ષણ પરથી જાણી શકાય છે કે,કેફી પદાર્થો અને આલ્કોહોલનું સેવન યુવાનોમાં વધુ જોવા મળે છે,જેના કારણે ઘણી નુકસાનકારક અસરો ઉદ્ભવે છે. યુવાનોને આવી ભયજનક વર્તણૂકથી સુરક્ષિત કરવા તેમને યોગ્ય શિક્ષણ અને સલાહ અપાય તે જરૂરી છે,જેથી તેઓ એક તંદુરસ્ત જીવનશૈલીને અનુસરી શકે.
સામાન્ય રીતે વપરાતા નશાકારક પદાર્થોમાં અફીણ (Opioids),કેનાબીનોઈડ્સ (Cannabinoids) અને કોકેઈનનો સમાવેશ થાય છે. આમાંના મોટા ભાગના સપુષ્પી વનસ્પતિઓ અને કેટલીક ફૂગમાંથી મેળવવામાં આવે છે.
$Opioids$ (અફીણ) એ એવા કેફી દ્રવ્યો છે જે મધ્યસ્થ ચેતાતંત્ર અને જઠરાંત્રિય માર્ગમાં હાજર રહેલા વિશિષ્ટ સંવેદનાગ્રાહીઓ સાથે જોડાણ સાધે છે. હેરોઇન (heroin),જેને સ્મેક કહે છે,તે રાસાયણિક રીતે $diacetylmorphine$ છે. તે સફેદ,વાસહીન,કડવું,સ્ફટિકમય સંયોજન છે. તે મોરફીનના એસિટાયલેશનથી મેળવવામાં આવે છે,જે ખસખસના છોડ ($Papaver$ $somniferum$) ના દુગ્ધ (ક્ષીર/latex) માંથી મેળવવામાં આવે છે.
હેરોઇન સામાન્ય રીતે નાસિકા દ્વારા (snorting) કે ઈન્જેક્શન દ્વારા લેવામાં આવે છે. તે તણાવશામક (depressant) તરીકે કાર્ય કરે છે અને શરીરનાં કાર્યોને ધીમા પાડે છે.