મેન્ડલનો વટાણાના છોડ પર બે ભિન્ન લક્ષણો ધરાવતો પ્રયોગ વર્ણવો.

(N/A) બે લક્ષણોમાં ભિન્નતા ધરાવતા બે છોડ વચ્ચેના સંકરણને દ્વિસંકરણ પ્રયોગ કહે છે.
મેન્ડલે વટાણાના છોડમાં એકસાથે બે લક્ષણોના વારસાગમનનો અભ્યાસ કરવા માટે પ્રયોગો કર્યા. ઉદાહરણ તરીકે,તેમણે પિતૃ તરીકે પીળા,ગોળ બીજ ધરાવતા છોડ અને લીલા,ખરબચડા બીજ ધરાવતા છોડ પસંદ કર્યા.
પીળો રંગ એ લીલા રંગ પર પ્રભાવી છે અને ગોળ આકાર એ ખરબચડા આકાર પર પ્રભાવી છે.
જનીનિક સંજ્ઞાઓ: $Y$ - પ્રભાવી (પીળો),$y$ - પ્રચ્છન્ન (લીલો); તેવી જ રીતે,$R$ - ગોળ આકાર (પ્રભાવી),$r$ - ખરબચડો આકાર (પ્રચ્છન્ન). પિતૃઓનું જનીન પ્રકાર $YYRR \times yyrr$ તરીકે દર્શાવી શકાય.
$F_1$ પેઢીમાં,બધા છોડ વિષમયુગ્મી $(RrYy)$ હોય છે અને પ્રભાવી સ્વરૂપ (ગોળ પીળા) દર્શાવે છે. $F_1$ પેઢીના છોડનું સ્વફલન કરાવતા $F_2$ પેઢી પ્રાપ્ત થાય છે,જે $9:3:3:1$ નું સ્વરૂપ પ્રકાર પ્રમાણ દર્શાવે છે.