$(1)$ વૈજ્ઞાનિક કારણ આપો: પેઢી દર પેઢી રંગસૂત્રોની ચોક્કસ સંખ્યા જાળવી રાખવા માટે અર્ધીકરણ (Meiosis) મહત્વનું છે.
$(2)$ વૈજ્ઞાનિક કારણ આપો: જાતિઓના ઉત્ક્રાંતિમાં અર્ધીકરણની પ્રક્રિયા મહત્વનો ભાગ ભજવે છે.

(N/A) $(1)$ કોઈપણ જાતિના સજીવોમાં રંગસૂત્રોની સંખ્યા નિશ્ચિત હોય છે,જે સામાન્ય રીતે દ્વિકીય $(2n)$ હોય છે.
$\Rightarrow$ સજીવોમાં ફલન દ્વારા જનન કોષોના જોડાણથી યુગ્મનજ (zygote) બને છે અને નવો સજીવ ઉત્પન્ન થાય છે.
$\Rightarrow$ જનન કોષોના નિર્માણ દરમિયાન અર્ધીકરણ થાય છે,જેથી રંગસૂત્રોની સંખ્યા અડધી થઈ જાય છે અને કોષો એકકીય $(n)$ બને છે.
$\Rightarrow$ જ્યારે બે એકકીય જનન કોષો જોડાય છે,ત્યારે બનતા યુગ્મનજમાં રંગસૂત્રોની સંખ્યા ફરીથી દ્વિકીય $(2n)$ થઈ જાય છે.
$\Rightarrow$ આમ,પેઢી દર પેઢી રંગસૂત્રોની ચોક્કસ સંખ્યા જાળવી રાખવા માટે અર્ધીકરણ અનિવાર્ય છે.
$(2)$ અર્ધીકરણની પૂર્વાવસ્થા-$I$ (prophase-$I$) દરમિયાન વ્યતીકરણ (crossing over) થાય છે,જેનાથી સમજાત રંગસૂત્રો વચ્ચે જનીનિક દ્રવ્યની આપ-લે થાય છે.
$\Rightarrow$ આ પ્રક્રિયાથી જનીનોના નવા સંયોજનો બને છે,જેના પરિણામે સંતતિમાં વિવિધતા જોવા મળે છે.
$\Rightarrow$ આવી વિવિધતાઓ કુદરતી પસંદગી માટે જવાબદાર છે અને જાતિઓના ઉત્ક્રાંતિમાં મહત્વનો ભાગ ભજવે છે.