નીચેની આકૃતિમાં વિવિધ આકારના સમતલીય લૂપ્સ દર્શાવ્યા છે જે ચુંબકીય ક્ષેત્રના વિસ્તારમાં અંદરની તરફ અથવા બહારની તરફ ગતિ કરે છે. ચુંબકીય ક્ષેત્ર લૂપના સમતલને લંબ અને વાચકથી દૂરની દિશામાં છે. લેન્ઝના નિયમનો ઉપયોગ કરીને દરેક લૂપમાં પ્રેરિત પ્રવાહની દિશા નક્કી કરો.

એક તાંબાના સળિયાને ચુંબકીય ક્ષેત્રમાં ગતિ કરાવવામાં આવે છે. તેના છેડાઓ પર ઉત્પન્ન થતો વિદ્યુતભાર કોના પ્રમાણમાં હશે?

$200 \ \Omega$ અવરોધ ધરાવતું એક ગૂંચળું ચુંબકીય ક્ષેત્રમાં મૂકવામાં આવ્યું છે. જો ગૂંચળા સાથે સંકળાયેલ ચુંબકીય ફ્લક્સ $\phi$ (વેબરમાં) સમય $t$ (સેકન્ડમાં) સાથે સમીકરણ $\phi = 50t^2 + 4$ મુજબ બદલાતું હોય,તો $t = 2 \ s$ સમયે ગૂંચળામાં પ્રેરિત પ્રવાહ કેટલો હશે ($A$ માં)?

કોઈલ સાથે સંકળાયેલ ચુંબકીય ફ્લક્સ સમય સાથે $\Phi = 4t^2 + 3t + 7$ મુજબ બદલાય છે. $t = 2 \ s$ સમયે પ્રેરિત e.m.f. નું મૂલ્ય કેટલું હશે ($V$ માં)?

એક કોઈલનું ક્ષેત્રફળ $0.06 \ m^2$ છે અને તેમાં $600$ આંટા છે. આ કોઈલને $5 \times 10^{-5} \ Wb/m^2$ તીવ્રતાના ચુંબકીય ક્ષેત્રમાં મૂક્યા પછી,તેને $0.2 \ s$ માં $90^{\circ}$ જેટલી ફેરવવામાં આવે છે. કોઈલમાં પ્રેરિત સરેરાશ e.m.f નું મૂલ્ય કેટલું હશે?

આકૃતિ મુજબ એક સ્થિર સોલેનોઇડની ઉપર (ધારો કે કાર્ડબોર્ડ પર) રાખેલી ધાતુની રીંગનો વિચાર કરો. રીંગનું કેન્દ્ર સોલેનોઇડની અક્ષ સાથે સંપાત થાય છે. જો પ્રવાહ અચાનક ચાલુ કરવામાં આવે,તો ધાતુની રીંગ ઉપર તરફ કૂદકો મારે છે. સમજાવો.