આકૃતિની મદદથી મૂત્રપિંડકણિકા (renal corpuscle) ની રચના દર્શાવો.

(N/A) $(1)$ માલપિઘિયન કાય (Malpighian Body): તે રુધિરકેશિકાગુચ્છ અને બાઉમેનની કોથળીની બનેલી એક જટિલ રચના છે.
$(i)$ રુધિરકેશિકાગુચ્છ (Glomerulus): તે અંતર્વાહી ધમનિકા (afferent arteriole) દ્વારા બનેલી રુધિરકેશિકાઓનો ગુચ્છ છે,જે મૂત્રપિંડ ધમનીની એક ઝીણી શાખા છે. રુધિરકેશિકાગુચ્છમાંથી રુધિર બહિર્વાહી ધમનિકા (efferent arteriole) દ્વારા બહાર લઈ જવામાં આવે છે.
બહિર્વાહી ધમનિકાનો વ્યાસ અંતર્વાહી ધમનિકા કરતા નાનો હોય છે. રુધિરકેશિકાગુચ્છમાં રુધિરનું ગાળણ થાય છે.
$(ii)$ બાઉમેનની કોથળી (Bowman's Capsule): મૂત્રપિંડ નલિકાનો એક છેડો અંદરની તરફ અંતર્વલન પામીને કપ આકારની,બે દીવાલવાળી કોથળી જેવી રચના બનાવે છે,જેને બાઉમેનની કોથળી કહે છે.
બાઉમેનની કોથળીની બહારની દીવાલ લાદિસમ અધિચ્છદની બનેલી હોય છે,જ્યારે અંદરની બાજુએ પોડોસાઇટ્સ (podocyte) નામની વિશિષ્ટ કોષો આવેલા હોય છે. આ કોષો એક ખાસ ગોઠવણી દ્વારા ગાળણ છિદ્રો બનાવે છે,જે અણુઓને તેમાંથી પસાર થવા દે છે.
બાઉમેનની કોથળી અને રુધિરકેશિકાગુચ્છને સાથે મળીને માલપિઘિયન કાય કહેવામાં આવે છે.