પ્રાણીઓના વર્ગીકરણમાં શરીરગુહા (body cavity) અને દેહકોષ્ઠ (coelom) ના સ્વભાવનો અભ્યાસ કેટલો ઉપયોગી છે?

(N/A) દેહકોષ્ઠ એ શરીરની દીવાલ અને પાચનમાર્ગ વચ્ચે આવેલી પ્રવાહીથી ભરેલી જગ્યા છે. પ્રાણીઓના વર્ગીકરણમાં શરીરગુહા અથવા દેહકોષ્ઠની હાજરી કે ગેરહાજરી ખૂબ જ મહત્વનો ભાગ ભજવે છે.
$1$. દેહકોષ્ઠધારી (Coelomates): જે પ્રાણીઓમાં શરીરની દીવાલ અને પાચનમાર્ગ વચ્ચે મધ્યગર્ભસ્તર (mesoderm) દ્વારા આવરિત પ્રવાહીથી ભરેલી ગુહા હોય છે,તેમને દેહકોષ્ઠધારી કહેવામાં આવે છે. ઉદાહરણ તરીકે નૂપુરક (Annelida),મૃદુકાય (Mollusca),સંધિપાદ (Arthropoda),શૂળત્વચી (Echinodermata) અને મેરુદંડી (Chordata).
$2$. કૂટદેહકોષ્ઠધારી (Pseudocoelomates): જે પ્રાણીઓમાં શરીરગુહા મધ્યગર્ભસ્તર દ્વારા આવરિત હોતી નથી,પરંતુ મધ્યગર્ભસ્તર બાહ્યગર્ભસ્તર (ectoderm) અને અંતઃગર્ભસ્તર (endoderm) ની વચ્ચે છૂટાછવાયા કોથળીઓ સ્વરૂપે જોવા મળે છે,તેમને કૂટદેહકોષ્ઠધારી કહેવામાં આવે છે. સૂત્રકૃમિ (Aschelminthes) આનું ઉદાહરણ છે.
$3$. અદેહકોષ્ઠધારી (Acoelomates): કેટલાક પ્રાણીઓમાં શરીરગુહા સંપૂર્ણપણે ગેરહાજર હોય છે. તેમને અદેહકોષ્ઠધારી કહેવામાં આવે છે. પૃથુકૃમિ (Platyhelminthes) એ અદેહકોષ્ઠધારીનું ઉદાહરણ છે.