સોલેનોઇડ ચુંબકની જેમ કેવી રીતે વર્તે છે? શું તમે ગજિયા ચુંબકની મદદથી વિદ્યુતપ્રવાહ ધારિત સોલેનોઇડના ઉત્તર અને દક્ષિણ ધ્રુવો નક્કી કરી શકો છો? સમજાવો.

(N/A) સોલેનોઇડ એ અવાહક તાંબાના તારના વર્તુળાકાર આંટાઓ ધરાવતું લાંબું ગૂંચળું છે. જ્યારે તેમાંથી વિદ્યુતપ્રવાહ પસાર થાય છે,ત્યારે તેની આસપાસ ચુંબકીય ક્ષેત્ર ઉત્પન્ન થાય છે. આ ચુંબકીય ક્ષેત્ર રેખાઓની ભાત ગજિયા ચુંબકની ક્ષેત્ર રેખાઓ જેવી જ હોય છે.
હા,આપણે ગજિયા ચુંબકની મદદથી વિદ્યુતપ્રવાહ ધારિત સોલેનોઇડના ઉત્તર અને દક્ષિણ ધ્રુવો નક્કી કરી શકીએ છીએ. જો આપણે ગજિયા ચુંબકના ઉત્તર ધ્રુવને સોલેનોઇડના એક છેડા પાસે લાવીએ અને સોલેનોઇડ ચુંબકને અપાકર્ષે,તો સોલેનોઇડનો તે છેડો ઉત્તર ધ્રુવ તરીકે વર્તે છે (કારણ કે સમાન ધ્રુવો એકબીજાને અપાકર્ષે છે). જો સોલેનોઇડ ગજિયા ચુંબકને આકર્ષે,તો તે છેડો દક્ષિણ ધ્રુવ તરીકે વર્તે છે (કારણ કે વિરુદ્ધ ધ્રુવો એકબીજાને આકર્ષે છે). આ રીતે આકર્ષણ કે અપાકર્ષણની ઘટનાનું અવલોકન કરીને આપણે સોલેનોઇડના ધ્રુવો નક્કી કરી શકીએ છીએ.