બોક્સાઈટ અયસ્કમાં રહેલી સિલિકામાંથી એલ્યુમિનાને કેવી રીતે અલગ કરી શકાય? જો કોઈ સમીકરણો હોય તો આપો.

(N/A) બોક્સાઈટ અયસ્કમાં રહેલી સિલિકામાંથી એલ્યુમિનાને અલગ કરવા માટે,પાવડર કરેલી અયસ્કને $473-523 \ K$ તાપમાન અને $35-36 \ bar$ દબાણે સાંદ્ર $NaOH$ ના દ્રાવણ સાથે પ્રક્રિયા કરવામાં આવે છે.
આ પ્રક્રિયામાં એલ્યુમિના $(Al_2O_3)$ સોડિયમ એલ્યુમિનેટ તરીકે અને સિલિકા $(SiO_2)$ સોડિયમ સિલિકેટ તરીકે દ્રાવણમાં ઓગળી જાય છે,જ્યારે અન્ય અશુદ્ધિઓ બાકી રહે છે.
$Al_2O_{3(s)} + 2NaOH_{(aq)} + 3H_2O_{(l)} \to 2Na[Al(OH)_4]_{(aq)}$
$SiO_2 + 2NaOH_{(aq)} \to Na_2SiO_{3(aq)} + H_2O_{(l)}$
ત્યારબાદ,દ્રાવણમાંથી $CO_2$ વાયુ પસાર કરવામાં આવે છે જેથી એલ્યુમિનેટનું તટસ્થીકરણ થાય અને જળયુક્ત એલ્યુમિનાના અવક્ષેપ મળે. અવક્ષેપન ઝડપી બનાવવા માટે દ્રાવણમાં જળયુક્ત એલ્યુમિનાના તાજા નમૂના ઉમેરવામાં આવે છે.
$2Na[Al(OH)_4]_{(aq)} + 2CO_{2(g)} \to Al_2O_3 \cdot xH_2O_{(s)} + 2NaHCO_{3(aq)}$
આ પ્રક્રિયા દરમિયાન સોડિયમ સિલિકેટ દ્રાવણમાં જ રહે છે. મેળવેલ જળયુક્ત એલ્યુમિનાને ગાળીને,સૂકવીને અને ગરમ કરીને શુદ્ધ એલ્યુમિના મેળવવામાં આવે છે.
$Al_2O_3 \cdot xH_2O_{(s)} \xrightarrow{1470 \ K} Al_2O_{3(s)} + xH_2O_{(g)}$