કાર્બોક્સિલિક એસિડની એવી પ્રતિક્રિયાઓ આપો જેમાં $C-OH$ બંધ તૂટે છે. અથવા કાર્બોક્સિલિક એસિડમાંથી $(a)$ એનહાઈડ્રાઈડ $(b)$ એસ્ટર $(c)$ એસિડ ક્લોરાઈડ અને $(d)$ એમાઈડ બનાવવાની પદ્ધતિઓ આપો.

(N/A) એનહાઈડ્રાઈડનું નિર્માણ: કાર્બોક્સિલિક એસિડને $H_{2}SO_{4}$ જેવા ખનિજ એસિડ અથવા $P_{2}O_{5}$ સાથે ગરમ કરવાથી અનુરૂપ એનહાઈડ્રાઈડ મળે છે.
$(b)$ એસ્ટરીકરણ: કાર્બોક્સિલિક એસિડનું આલ્કોહોલ અથવા ફિનોલ સાથે સાંદ્ર $H_{2}SO_{4}$ અથવા $HCl$ વાયુ જેવા ઉદ્દીપકની હાજરીમાં એસ્ટરીકરણ થાય છે.
$RCOOH + R'OH \rightleftharpoons H^{+} \rightleftharpoons RCOOR' + H_{2}O$
આ પદ્ધતિમાં એસિડનો $C-OH$ બંધ અને આલ્કોહોલનો $O-H$ બંધ તૂટીને એસ્ટર બનાવે છે અને પાણીનો એક અણુ દૂર થાય છે.
$(c)$ એસિડ ક્લોરાઈડનું નિર્માણ: કાર્બોક્સિલિક એસિડના હાઈડ્રોક્સિલ સમૂહ $(-OH)$ ને $PCl_{5}$,$PCl_{3}$ અથવા $SOCl_{2}$ સાથે પ્રક્રિયા કરીને ક્લોરિન પરમાણુ દ્વારા સરળતાથી બદલી શકાય છે.
$RCOOH + PCl_{5} \rightarrow RCOCl + POCl_{3} + HCl$
$3RCOOH + PCl_{3} \rightarrow 3RCOCl + H_{3}PO_{3}$
$RCOOH + SOCl_{2} \rightarrow RCOCl + SO_{2} + HCl$
$(d)$ એમાઈડનું નિર્માણ: કાર્બોક્સિલિક એસિડ એમોનિયા સાથે પ્રક્રિયા કરીને એમોનિયમ ક્ષાર આપે છે,જેને ઊંચા તાપમાને ગરમ કરવાથી એમાઈડ મળે છે.
$RCOOH + NH_{3}$ $\rightarrow RCOONH_{4}$ $\xrightarrow{\Delta} RCONH_{2} + H_{2}O$