કલૉઇડ્સના ઉપયોગો વિશે માહિતી આપો.

(N/A) કલૉઇડ્સ ઉદ્યોગોમાં વ્યાપકપણે વપરાય છે. તેના કેટલાક ઉદાહરણો નીચે મુજબ છે:
$(i)$ ધુમાડાનું વિદ્યુતીય અવક્ષેપન: ધુમાડો એ હવામાં કાર્બન,આર્સેનિક સંયોજનો,ધૂળ વગેરે જેવા ઘન કણોનું કલૉઇડલ દ્રાવણ છે. ધુમાડો ચીમનીમાંથી બહાર આવે તે પહેલાં તેને એવી ચેમ્બરમાંથી પસાર કરવામાં આવે છે જેમાં ધુમાડાના કણો પરના વીજભારથી વિરુદ્ધ વીજભાર ધરાવતી પ્લેટો હોય છે. આ પ્લેટોના સંપર્કમાં આવતા કણો પોતાનો વીજભાર ગુમાવે છે અને અવક્ષેપિત થાય છે. આમ,કણો ચેમ્બરના તળિયે બેસી જાય છે. આ અવક્ષેપકને કોટ્રેલ અવક્ષેપક કહેવામાં આવે છે.
$(ii)$ પીવાના પાણીનું શુદ્ધિકરણ: કુદરતી સ્ત્રોતોમાંથી મેળવેલા પાણીમાં ઘણીવાર નિલંબિત અશુદ્ધિઓ હોય છે. આવી અશુદ્ધિઓને સ્કંદિત કરવા અને પાણીને પીવાલાયક બનાવવા માટે તેમાં ફટકડી ઉમેરવામાં આવે છે.
$(iii)$ દવાઓ: મોટાભાગની દવાઓ કલૉઇડલ સ્વભાવની હોય છે. ઉદાહરણ તરીકે,આર્ગાયરોલ એ સિલ્વર સોલ છે જેનો ઉપયોગ આંખના લોશન તરીકે થાય છે.