અનાવૃત બીજધારી (Gymnosperms) માં જીવનચક્ર વિશે સમજૂતી આપો.

(N/A) $\rightarrow$ અનાવૃત બીજધારીઓ વિષમબીજાણુક (heterosporous) હોય છે; તેઓ એકકીય લઘુબીજાણુ (microspores) અને ગુરુબીજાણુ (megaspores) ઉત્પન્ન કરે છે.
$\rightarrow$ આ બે પ્રકારના બીજાણુઓ બીજાણુધાની (sporangia) માં ઉત્પન્ન થાય છે.
$\rightarrow$ બીજાણુઓ બીજાણુપર્ણો (sporophylls) પર ધારણ થાય છે,જે એક અક્ષ પર સર્પાકારે ગોઠવાઈને છૂટા અથવા સઘન શંકુ (strobili or cones) બનાવે છે.
$\rightarrow$ લઘુબીજાણુપર્ણો અને લઘુબીજાણુધાની ધરાવતા શંકુને લઘુબીજાણુધારી અથવા નર શંકુ કહેવામાં આવે છે.
$\rightarrow$ લઘુબીજાણુઓ નર જન્યુજનક અવસ્થામાં વિકાસ પામે છે જે અત્યંત લઘુ હોય છે. આ લઘુ જન્યુજનકને પરાગરજ (pollen grain) કહેવાય છે.
$\rightarrow$ અંડક અથવા ગુરુબીજાણુધાની સાથે ગુરુબીજાણુપર્ણો ધરાવતા શંકુને ગુરુબીજાણુધારી અથવા માદા શંકુ કહેવામાં આવે છે.
$\rightarrow$ $Pinus$ માં નર અને માદા શંકુ એક જ વૃક્ષ પર હોઈ શકે છે. $Cycas$ માં નર શંકુ અને ગુરુબીજાણુપર્ણો અલગ-અલગ વૃક્ષો પર જોવા મળે છે.
$\rightarrow$ ગુરુબીજાણુ માતૃકોષ પ્રદેહ (nucellus) ના કોષોમાંથી વિભેદિત થાય છે. પ્રદેહ આવરણો દ્વારા સુરક્ષિત હોય છે અને આ સંયુક્ત રચનાને અંડક (ovule) કહેવામાં આવે છે.
$\rightarrow$ અંડકો ગુરુબીજાણુપર્ણો પર ધારણ થાય છે,જે સમૂહમાં ગોઠવાઈને માદા શંકુ બનાવી શકે છે.
$\rightarrow$ ગુરુબીજાણુધાની (પ્રદેહ) ની અંદર બંધાયેલ એક ગુરુબીજાણુ બહુકોષીય માદા જન્યુજનક તરીકે વિકાસ પામે છે જે બે કે તેથી વધુ સ્ત્રીજન્યુધાની (archegonia) ધરાવે છે.
$\rightarrow$ બહુકોષીય માદા જન્યુજનક ગુરુબીજાણુધાનીની અંદર જ જળવાઈ રહે છે.
$\rightarrow$ અનાવૃત બીજધારીઓમાં નર અને માદા જન્યુજનક સ્વતંત્ર મુક્ત-જીવી અસ્તિત્વ ધરાવતા નથી.
$\rightarrow$ તેઓ બીજાણુજનક પર જળવાયેલી બીજાણુધાનીમાં જ રહે છે. પરાગરજ લઘુબીજાણુધાનીમાંથી મુક્ત થાય છે.
$\rightarrow$ પરાગનયન: નર જન્યુઓ ધરાવતી પરાગનલિકા અંડકમાં રહેલી સ્ત્રીજન્યુધાની તરફ વૃદ્ધિ પામે છે અને સ્ત્રીજન્યુધાનીના મુખ પાસે તેના ઘટકો મુક્ત કરે છે.
$\rightarrow$ ફલન પછી,યુગ્મનજ ભ્રૂણમાં અને અંડકો બીજમાં વિકાસ પામે છે. આ બીજ આવરણ વગરના (નગ્ન) હોય છે.